શેરબજારમાં કોહરામ વચ્ચે Tata Groupના શેર ધડામ ! આજે 10થી15% સુધી ઘટ્યા
આજના ટ્રેડિંગ સેશનમાં ટાટા ગ્રુપના શેરમાં જોરદાર ઘટાડો જોવા મળ્યો હતો. જેમાં ટાટા મોટર્સ, ટાટા સ્ટીલ અને ટ્રેન્ટ જેવા શેરોનો સમાવેશ થાય છે. આ ત્રણ શેરો નિફ્ટી 50 ઇન્ડેક્સના ટોપ-3 લુઝર છે.
તમને જણાવી દઈએ કે ટાટા મોટર્સની સબસિડિયરી કંપની JLR એટલે કે જગુઆર લેન્ડ રોવરે હાલ અમેરિકામાં નિકાસ પર પ્રતિબંધ લગાવી દીધો છે. ટ્રમ્પ દ્વારા ટેરિફ વધારવાની જાહેરાત બાદ કંપનીએ આ નિર્ણય લીધો છે. 25 ટકા ટેરિફ લાદ્યા પછી, કંપનીએ પરિસ્થિતિનું વિશ્લેષણ કરતી વખતે, એપ્રિલ મહિના માટે અમેરિકામાં નિકાસ પર પ્રતિબંધ મૂકવાનો નિર્ણય લીધો હતો. આ નિર્ણય બાદ સોમવારના ટ્રેડિંગ સેશનમાં ટાટા મોટર્સના શેરમાં ઘટાડો થાય તે અનિવાર્ય હતું અને આવું જ થયું.
ટાટા મોટર્સ ઉપરાંત Tata Steelમાં પણ જોરદાર ઘટાડો નોંધાયો છે. ટાટા સ્ટીલનો શેર ઓપનિંગ દરમિયાન લગભગ 9 ટકાના ઘટાડા સાથે ખુલ્યો હતો. સવારે 10.00 વાગ્યાની આસપાસ આ સ્ટૉકમાં લગભગ 10 ટકાનો ઘટાડો જોવા મળી રહ્યો છે. તમને જણાવી દઈએ કે શુક્રવારના ટ્રેડિંગ સેશન દરમિયાન મેટલ ઈન્ડેક્સ લાલ નિશાન સાથે બંધ થયા હતા. ટાટા સ્ટીલમાં પણ 1 વર્ષમાં 23.68%નો ઘટાડો જોવા મળ્યો છે.
ટાટા ગ્રુપની કંપની ટાટા ટ્રેન્ટના સ્ટોકમાં પણ આજે 18 ટકાનો ઘટાડો જોવા મળ્યો છે, એટલે આજે આ શેર 1000 રુપિયા ડાઉન ગયો છે અને હાલ સમાચાર લખતા સુધી 4,580 પર ટ્રેડ થઈ રહ્યો છે.
