સુરતના સચીન GIDC વિસ્તારમાં બે કિશોરી સાથે બળાત્કારના કેસમાં આરોપીઓને 20 વર્ષની સજા, હર્ષ સંઘવીએ ઝડપી કાનૂની પ્રક્રિયા માટે પોલીસની ભૂમિકાને વખાણી
ગુજરાતના સુરત શહેરના છેવાડે આવેલા સચીન જીઆઈડીસી ખાતે લગ્નની લાલચ આપી સગીરવયની બે બહેનપણીઓને અપહરણ કરી મધ્ય પ્રદેશ ખાતે દુષ્કર્મ આચરવાના કેસમાં શનિવારે ચુકાદો આવ્યો હતો. આ ચુકાદામાં સુરત સેશન્સ કોર્ટે બે આરોપીઓને 20 વર્ષની સખ્ત કેદની સજા અને રૂપિયા 50 હજારનો દંડ ફટકાર્યો હતો. હર્ષ સંઘવીએ પણ સોશિયલ મીડિયા પર પોસ્ટ શેર કરી પોલીસની કામગીરીની સરાહના પણ કરી હતી.