Study Abroad 2026 : ઓછા ખર્ચે વિદેશમાં ભણવું છે ? આ 10 આંતરરાષ્ટ્રીય સ્કોલરશિપ્સ તમને મોકલશે ABROAD, જાણી લો
2026માં વિદેશમાં ઓછા ખર્ચે ઉચ્ચ અભ્યાસ કરવા માંગતા વિદ્યાર્થીઓ માટે ફેબ્રુઆરી મહિનો સુવર્ણ તક લાવ્યો છે. આ સમયમાં અનેક આંતરરાષ્ટ્રીય સ્કોલરશિપ્સની અરજીની અંતિમ તારીખ આવી રહી છે, જેમાં સંપૂર્ણ ફંડેડ વિકલ્પો પણ સામેલ છે.
વિદેશમાં ઓછા ખર્ચે ઉચ્ચ અભ્યાસ કરવાનો વિચાર રાખતા વિદ્યાર્થીઓ માટે ફેબ્રુઆરી મહિનો ખૂબ જ મહત્વનો છે. આ સમયમાં અનેક આંતરરાષ્ટ્રીય સ્કોલરશિપ્સ માટે અરજી કરવાની અંતિમ તારીખ આવી રહી છે. જો તમે 2026માં વિદેશ અભ્યાસ માટે જવાનું આયોજન કરી રહ્યા છો, તો આ તક ગુમાવવી ન જોઈએ. કેટલીક સ્કોલરશિપ્સ સંપૂર્ણ રીતે ફંડેડ છે, જેમાં ટ્યુશન ફી, રહેવું અને અન્ય ખર્ચ સામેલ હોય છે, જ્યારે કેટલીકમાં ટ્યુશન ફીમાંથી મોટી રાહત મળે છે. નીચે એવી 10 મહત્વની સ્કોલરશિપ્સ વિશે માહિતી આપવામાં આવી છે, જેમની અરજીની તારીખ ફેબ્રુઆરીમાં પૂર્ણ થાય છે.
જાપાન સરકાર દ્વારા આપવામાં આવતી MEXT સ્કોલરશિપ ખાસ કરીને ટીચર્સ ટ્રેનિંગ માટે છે. આ સંપૂર્ણ રીતે ફંડેડ સ્કોલરશિપ છે. જે ઉમેદવારો જાપાનમાં શિક્ષક તાલીમ લેવા માંગે છે, તેમની ઉંમર 35 વર્ષથી ઓછી હોવી જોઈએ અને ઓછામાં ઓછો પાંચ વર્ષનો શિક્ષણ અનુભવ જરૂરી છે. પસંદ થયેલા ઉમેદવારોને ફી, રહેવું અને અન્ય ખર્ચની સંપૂર્ણ સહાય મળે છે.
બેલ્જિયમની KU Leuven યુનિવર્સિટીમાં માસ્ટર ઓફ સાયન્સ માટે Science@Leuven સ્કોલરશિપ આપવામાં આવે છે. આ સ્કોલરશિપ હેઠળ દર વર્ષે અંદાજે 12,000 યુરોની સહાય અને હેલ્થ ઇન્શ્યોરન્સ મળે છે. આ તક ખાસ કરીને ફેકલ્ટી ઓફ સાયન્સમાં અરજી કરનારા વિદ્યાર્થીઓ માટે છે. અરજી કરવાની છેલ્લી તારીખ 15 ફેબ્રુઆરી છે.
VLIR-UOS ICP Connect સ્કોલરશિપ બેલ્જિયમની વિવિધ યુનિવર્સિટીમાં માસ્ટર્સ અભ્યાસ માટે ઉપલબ્ધ છે. આ સ્કોલરશિપ હેઠળ ટ્યુશન ફી માફ થાય છે અને દર મહિને ભથ્થું પણ આપવામાં આવે છે. આ સ્કોલરશિપ દ્વારા માત્ર સસ્ટેનેબલ ડેવલપમેન્ટ સંબંધિત અભ્યાસક્રમો જ કરી શકાય છે. અરજી કરવાની અંતિમ તારીખ 28 ફેબ્રુઆરી છે.
ચેક રિપબ્લિક સરકાર દ્વારા માસ્ટર્સ અને પીએચડી અભ્યાસ માટે સ્કોલરશિપ આપવામાં આવે છે. પસંદ થયેલા વિદ્યાર્થીઓને દર મહિને આશરે 575 થી 620 ડોલર સ્ટાઇપેન્ડ મળે છે. સાથે સાથે ટ્યુશન ફી અને ભોજન ખર્ચ પણ આવરી લેવામાં આવે છે. આ સ્કોલરશિપ માટે 20 ફેબ્રુઆરી સુધી ભારત સ્થિત ચેક દૂતાવાસમાં અરજી કરવાની રહેશે.
Education Future International Scholarship અમેરિકા, બ્રિટન, કેનેડા સહિત અનેક દેશોમાં અભ્યાસ માટે ઉપલબ્ધ છે. આ સ્કોલરશિપ હેઠળ વિદ્યાર્થીઓને 2 લાખથી લઈને 10 લાખ રૂપિયા સુધીની આર્થિક સહાય મળે છે. બેચલર્સ અને માસ્ટર્સ બંને અભ્યાસક્રમો માટે આ સ્કોલરશિપ માન્ય છે. અરજી કરવાની છેલ્લી તારીખ 28 ફેબ્રુઆરી છે.
સ્વિટ્ઝરલેન્ડમાં આવેલી University of Geneva દ્વારા Excellence Master Fellowship આપવામાં આવે છે. આ સ્કોલરશિપ માસ્ટર્સ ડિગ્રી માટે છે અને તેમાં દર વર્ષે અંદાજે 11.5 લાખથી 17.5 લાખ રૂપિયા સુધીની સહાય મળે છે. આ સ્કોલરશિપ પ્રતિભાશાળી વિદ્યાર્થીઓ માટે ઉત્તમ તક ગણાય છે.
Joint Japan–World Bank Graduate Scholarship દ્વારા વિશ્વની ટોચની સંસ્થાઓમાં અભ્યાસ કરવાની તક મળે છે, જેમ કે Harvard University, University of Oxford અને University of Tokyo. આ સ્કોલરશિપ ડેવલપમેન્ટ સંબંધિત માસ્ટર્સ પ્રોગ્રામ માટે આપવામાં આવે છે. તેમાં ટ્યુશન ફી, હવાઈ મુસાફરી, માસિક સ્ટાઇપેન્ડ અને હેલ્થ ઇન્શ્યોરન્સનો સમાવેશ થાય છે. અરજીની અંતિમ તારીખ 27 ફેબ્રુઆરી છે.
સ્પેનની IE યુનિવર્સિટી બેચલર્સ અને માસ્ટર્સ અભ્યાસ માટે સ્કોલરશિપ આપે છે. આ સ્કોલરશિપ હેઠળ ટ્યુશન ફીમાં 20થી 30 ટકા સુધીની છૂટ મળે છે. ખાસ કરીને સાયન્સ, ટેક્નોલોજી, એન્જિનિયરિંગ અને મૅથ્સ ક્ષેત્રના વિદ્યાર્થીઓ માટે આ સારી તક છે. અરજી કરવાની છેલ્લી તારીખ 28 ફેબ્રુઆરી છે.
સ્વીડન સ્થિત University of Gothenburg દ્વારા Axel Adler Scholarship આપવામાં આવે છે. આ સ્કોલરશિપ હેઠળ બેચલર્સ અને માસ્ટર્સ બંને અભ્યાસ કરી શકાય છે અને પસંદ થયેલા વિદ્યાર્થીઓની ટ્યુશન ફી સંપૂર્ણપણે માફ કરવામાં આવે છે. આ સ્કોલરશિપ માટે અરજી કરવાની અંતિમ તારીખ 28 ફેબ્રુઆરી છે.
બ્રિટનની University of Bath માં Global Excellence Scholarship આપવામાં આવે છે. આ સ્કોલરશિપ માસ્ટર્સ અભ્યાસ માટે છે અને તેમાં ટ્યુશન ફીમાં લગભગ 10,000 પાઉન્ડની છૂટ મળે છે. પ્રથમ રાઉન્ડ માટે અરજી કરવાની છેલ્લી તારીખ 4 ફેબ્રુઆરી છે. જો તમે વિદેશમાં અભ્યાસ કરવાનો સાચો ઈરાદો રાખો છો, તો આ સ્કોલરશિપ્સ તમારા માટે ખર્ચ ઘટાડવાની અને વૈશ્વિક શિક્ષણ મેળવવાની મોટી તક સાબિત થઈ શકે છે. સમયસર માહિતી તપાસીને અને યોગ્ય રીતે અરજી કરીને તમે તમારા સપનાને હકીકતમાં બદલી શકો છો.
