1 શેર પર ₹55 મળશે! મેન્યુફેક્ચરિંગ કંપનીએ ‘ડિવિડન્ડ’નું એલાન કર્યું, કયા રોકાણકારોને આનો લાભ થશે?
BSE 500 ઇન્ડેક્સમાં લિસ્ટેડ એર અને ગેસ કોમ્પ્રેસર મેન્યુફેક્ચરિંગ કંપનીએ રોકાણકારોને ખાસ ભેટ આપી છે. વાત એમ છે કે, આ મેન્યુફેક્ચરિંગ કંપનીએ 1 શેર પર ₹55 ડિવિડન્ડ આપવાની જાહેરાત કરી છે.
BSE 500 ઇન્ડેક્સમાં લિસ્ટેડ એર અને ગેસ કોમ્પ્રેસર મેન્યુફેક્ચરિંગ કંપનીએ 2025-26 નાણાકીય વર્ષ માટે તેના બીજા ક્વાર્ટરના પરિણામો જાહેર કર્યા છે અને આ સાથે જ વચગાળાના ડિવિડન્ડની જાહેરાત કરી છે.
કંપનીના ડિરેક્ટર બોર્ડે બેઠક કરી અને પ્રતિ શેર ₹55 નું વચગાળાનું ડિવિડન્ડ જાહેર કર્યું. આ ડિવિડન્ડ ₹10 ની ફેસ વેલ્યુવાળા દરેક ઇક્વિટી શેર પર ચૂકવવામાં આવશે.
કંપનીએ જણાવ્યું હતું કે, વચગાળાના ડિવિડન્ડ માટેની રેકોર્ડ તારીખ 25 નવેમ્બર, 2025 નક્કી કરવામાં આવી છે. આ તારીખ સુધીમાં જે રોકાણકારોના નામ કંપનીના રેકોર્ડમાં નોંધાયેલા હશે, તેઓ જ ડિવિડન્ડ માટે હકદાર રહેશે. ડિવિડન્ડ 11 ડિસેમ્બર, 2025 ના રોજ ચૂકવવામાં આવશે.
આ કંપનીની સ્થાપના વર્ષ 1921 માં કોલકાતામાં થઈ હતી અને તેને ભારતમાં સૌથી પહેલા અમેરિકન રોકાણોમાંની એક ગણવામાં આવે છે. 16 નવેમ્બર, 2025 ના રોજ, BSE પર કંપનીનું માર્કેટ કેપ ₹12,026.15 કરોડ હતું.
શુક્રવારે, Ingersoll-Rand (India) Ltd કંપનીના શેર 1.46 ટકા વધીને રૂ. 3,804 પર બંધ થયા. છેલ્લા એક વર્ષમાં કંપનીના શેરમાં 5.47 ટકાનો ઘટાડો થયો છે.
