ધનતેરસ પર દેવી લક્ષ્મીએ શેરબજારમાં કર્યો ધનનો વરસાદ, બેંક નિફ્ટીમાં 1000 પોઈન્ટનો વધારો
છેલ્લા થોડા દિવસોથી શેર માર્કેટમાં દરરોજ ઉતાર ચઢાવ જોવા મળી રહ્યો હતો. માર્કેટમાં પહેલીવાર 33 દિવસ પછી સતત બે દિવસથી નિફ્ટી50 ગ્રીન સિગ્નલ બનાવી રહ્યો છે. માર્કેટમાં આજે એટલે કે 29 ઓક્ટોબરના રોજ દેશમાં ધનતેરસની ઉજવણી ચાલી રહી છે, ત્યારે માર્કેટમાં પણ તેજી જોવા મળી હતી.
ICICI બેંકના શેરમાં 3 ટકાનો ઉછાળો જોવા મળ્યો છે. NTPC, Bajaj Finserv ના શેર 2 ટકાથી વધુના વધારા સાથે બંધ થયા છે.
આજે એશિયન બજારોમાં મિશ્ર કારોબાર જોવા મળ્યો હતો. જાપાનનો નિક્કી 225 ફ્લેટ રહ્યો, જ્યારે ટોપિક્સ 0.3 ટકા વધ્યો હતો. દક્ષિણ કોરિયાનો કોસ્પી 0.4 ટકા અને કોસ્ડેક 0.41 ટકા ઘટ્યો હતો. હોંગકોંગના હેંગસેંગ ઈન્ડેક્સ ફ્યુચર્સને ઊંચા ખુલવાના સંકેત આપ્યા છે.
GIFT નિફ્ટી 24,390ના સ્તરની આસપાસ ટ્રેડ કરી રહ્યો હતો, જે નિફ્ટી ફ્યુચર્સના અગાઉના બંધથી લગભગ 40 પોઈન્ટનું પ્રીમિયમ હતું. આ ભારતીય શેરબજારના સૂચકાંકો માટે સકારાત્મક શરૂઆત સૂચવે છે.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
Published On - 5:20 pm, Tue, 29 October 24
