Stock Market : ગુરુવારના ટ્રેડિંગ સેશનમાં આ સ્ટોક્સમાં દેખાઈ શકે છે ખાસ ‘એક્શન’
બુધવારે બજારમાં ઘટાડો જોવા મળ્યો છે. જો કે, નિષ્ણાતો હજુ પણ બજારને સકારાત્મક રીતે જોઈ રહ્યા છે. નિષ્ણાતોએ ગુરુવાર માટે કેટલાક પસંદગીના શેર સૂચવ્યા છે, જેના પર રોકાણકારો નજર રાખી શકે છે.
PNB હાઉસિંગ ફાઇનાન્સ: BSE 500 માં સમાવિષ્ટ હાઉસિંગ ફાઇનાન્સ કંપની, PNB હાઉસિંગ ફાઇનાન્સે ડિવિડન્ડ માટે 1 ઓગસ્ટની રેકોર્ડ ડેટ નક્કી કરી છે. આજે શેર લગભગ 2 ટકાના ઘટાડા સાથે 1084 પર બંધ થયો. જો કે, કંપનીએ 5 રૂપિયાના ડિવિડન્ડની જાહેરાત કરી છે. જણાવી દઈએ કે, બજાર બંધ થયા પછી આ જાહેરાત કરવામાં આવી હતી.
ઇન્ડિગો: કંપનીએ મુંબઈ અને એમ્સ્ટરડેમ વચ્ચે સીધી ફ્લાઇટ શરૂ કરી છે. એક દિવસ પહેલા એરલાઇન્સે માન્ચેસ્ટર માટે ઉડાન ભરી હતી. નવી ફ્લાઇટ એરલાઇનના ગ્લોબલ નેટવર્ક વિસ્તરણનો એક ભાગ છે.
પતંજલિ ફૂડ્સ લિમિટેડ: કંપનીને કસ્ટમ્સ વિભાગ તરફથી દંડ અને રિડેમ્પશન દંડ ચૂકવવાનો આદેશ મળ્યો છે. આ માહિતી કંપનીએ સ્ટોક એક્સચેન્જને આપી છે. આ કેસ રુચિ હેલ્થ ફૂડ્સ લિમિટેડ સાથે સંબંધિત છે, જેને 2006 માં પતંજલિ ફૂડ્સ સાથે મર્જ કરવામાં આવી હતી. કંપનીને કુલ લગભગ 27 લાખ રૂપિયા ચૂકવવાનો આદેશ આપવામાં આવ્યો છે.
Avenue Supermarts: કંપનીએ માર્ચ ક્વાર્ટરના પ્રદર્શનની જાહેરાત કરી છે. કંપનીની સ્ટેન્ડ આવક 13,712 કરોડ રૂપિયાથી વધીને 15,932 કરોડ રૂપિયા થઈ ગઈ છે. આ સિવાય 30 જૂન સુધી કંપનીના કુલ સ્ટોર્સની સંખ્યા 424 હતી.
Coromandel International: કંપનીને કોમ્પિટિશન કમિશન ઓફ ઇન્ડિયા (CCI) તરફથી NACL ઇન્ડસ્ટ્રીઝના 10.69 કરોડ શેર (53.13% હિસ્સો) ખરીદવા માટેની મંજૂરી મળી. આથી ગુરુવારે આ કંપનીનો શેર શું હલચલ કરે છે તે જોવાનું રહેશે.
HIND ZINC Q1 અપડેટ: કંપનીના માઇન્ડ મેટલ પ્રોડક્શનમાં 1 ટકાનો વધારો થયો છે, જ્યારે રિફાઇન્ડ ઝિંક પ્રોડક્શનમાં 4 ટકાનો ઘટાડો થયો છે. જણાવી દઈએ કે, રિફાઇન્ડ લેડ પ્રોડક્શન 6 ટકા ઘટ્યું છે. વધુમાં વેચાણપાત્ર ઉત્પાદનમાં 5 ટકાનો ઘટાડો થયો છે. કંપનીના જણાવ્યા અનુસાર, સિલ્વર પ્રોડક્શનમાં 11 ટકાનો ઘટાડો થયો છે.
AUROBINDO PHARMAની સબ્સિડિયરી 'Cura TeQ'ને HER2-પોઝિટિવ સ્તન કેન્સરના ઈલાજ માટેની દવા 'Dazublys'ના માર્કેટિંગ માટે યુરોપિયન કમિશન તરફથી મંજૂરી મળેલી છે.
પવના ઇન્ડસ્ટ્રીઝ: ઓટો કમ્પોનન્ટ અને ઇક્વિપમેન્ટ સેગમેન્ટમાં કંપનીએ સ્ટોક સ્પ્લિટની જાહેરાત કરી છે. નોંધનીય છે કે, 10 રૂપિયાના ફેસ વેલ્યુવાળા દરેક સ્ટોકને 1 રૂપિયાના ફેસ વેલ્યુવાળા 10 સ્ટોકમાં રૂપાંતરિત કરવામાં આવશે.
