Stock Market : આ સરકારી કંપનીને મલેશિયાથી મળ્યો કોન્ટ્રાક્ટ, હવે વિદેશમાં પણ વાગશે ‘ડંકો’; સોમવારે રોકાણકારોની નજર ‘સ્ટોક’ પર
સોમવારે માર્કેટ ખુલતા જ રોકાણકારોની નજર આ સરકારી શેર પર પડશે. વાત એમ છે કે, ભારતની આ સરકારી કંપનીએ રેલ અને મેટ્રો ક્ષેત્રમાં મલેશિયા પાસેથી તેનો પહેલો વિદેશી કોન્ટ્રાક્ટ મેળવ્યો છે.
BEML લિમિટેડને મલેશિયા તરફથી $1 મિલિયનનો પહેલો વિદેશી કરાર મળ્યો છે. આ કામ મલેશિયાની માસ રેપિડ ટ્રાન્સપોર્ટ સિસ્ટમના રિટ્રોફિટ અને રિ-કન્ડિશનિંગ સાથે જોડાયેલ છે.
તાજેતરમાં જુલાઈ 2025 માં, BEML એ કર્ણાટક ઔદ્યોગિક ક્ષેત્ર વિકાસ બોર્ડ (KIADB) ના એરોસ્પેસ સ્પેશિયલ ઇકોનોમિક ઝોન (SEZ), બેંગલુરુમાં તેની નવી અત્યાધુનિક વેરહાઉસિંગ સુવિધાનું ઉદ્ઘાટન કર્યું.
છેલ્લા કેટલાક સમયથી BEML ના શેરમાં વેચવાલી જોવા મળી રહી છે. છેલ્લા એક મહિનામાં, કંપનીના શેરના ભાવમાં 16.18 ટકાનો ઘટાડો થયો છે. ટૂંકમાં કંપનીનો શેર 1 વર્ષમાં 4.21 ટકા ઘટી ગયો છે.
શુક્રવાર, 8 ઓગસ્ટના રોજ શેર 0.81 ટકાના નજીવા ઘટાડા સાથે રૂ. 3,859.20 પર બંધ થયો. જો કે, લાંબા ગાળા દરમિયાન શેરે મજબૂત રિટર્ન આપ્યું છે. છેલ્લા 5 વર્ષ દરમિયાન BEML ના શેરના ભાવમાં 464.21 ટકાનો વધારો થયો છે.
શેરના લિસ્ટિંગ (19 જુલાઈ, 2002) થી અત્યાર સુધીમાં શેરના ભાવમાં 4,136.22 ટકાનો વધારો થયો છે. જણાવી દઈએ કે, કંપનીનું માર્કેટ કેપ રૂ. 16,071 કરોડ છે.
