Stock Market : કરોડો શેર વેચાશે ! 23 જુલાઈએ બજાર ખુલતાની સાથે જ 2 મોટી કંપનીઓ કરશે ₹3295 કરોડની બ્લોક ડીલ
23 જુલાઈ એટલે કે બુધવારે સ્ટોક માર્કેટમાં ભારે ઉથલપાથલ આવી શકે તેવી શક્યતા છે. વાત એમ છે કે, આવતીકાલે બજાર ખુલતાની સાથે જ 2 મોટી કંપનીઓ અંદાજિત ₹3295 કરોડની બ્લોક ડીલ કરશે.
બજારમાં કાલે (23 જુલાઈ) બે મોટી રિયલ એસ્ટેટ કંપનીઓ ઓબેરોય રિયલ્ટી અને લોઢા ડેવલપર્સ (મેક્રોટેક ડેવલપર્સ) ના શેરોમાં ભારે બ્લોક ડીલ જોવા મળવાની શક્યતા છે. મીડિયા રિપોર્ટસ દ્વારા મળેલી માહિતી અનુસાર, આ બંને બ્લોક ડીલ ક્લીન આઉટ ટ્રેડ હશે અને તેને સંસ્થાગત રોકાણકારો દ્વારા વેચવામાં આવશે.
સૂત્રો થકી જાણવા મળ્યું છે કે, ઓબેરોય રિયલ્ટી બ્લોક ડીલ કરશે તેવી શક્યતા છે. આ ડીલ અંદાજે $230 મિલિયન (₹1,920 કરોડ)ની હોઈ શકે છે, જે કંપનીના અંદાજિત 3% હિસ્સેદારીને બરાબર હશે.
ઓબેરોયની ફ્લોર પ્રાઈસ ₹1,753.20 પ્રતિ શેર રાખવામાં આવી છે, જે હાલના બજાર ભાવથી 4% ડિસ્કાઉન્ટ પર છે. હવે આના કારણે 23 જુલાઈ, 2025ના રોજ શેર પર દબાણ જોવા મળી શકે છે.
બીજી કંપનીની વાત કરીએ તો, લોઢા ડેવલપર્સ પણ કરોડોની બ્લોક ડીલ કરશે તેવી સંભાવના છે. આ ડીલ અંદાજે $165 મિલિયન (₹1,375 કરોડ)ની રહેશે, જે કંપનીના અંદાજિત 1% હિસ્સેદારીને બરાબર હશે.
લોઢાની ફ્લોર પ્રાઈસ ₹1,384.60 પ્રતિ શેર છે, જે હાલના બજાર ભાવથી 4% નીચી છે. જોવા જઈએ તો, શેર પર થોડી નબળી અસર પડી શકે છે.
બંને ડીલ ક્લીન-આઉટ ટ્રેડ હશે. આનો અર્થ એ છે કે, રોકાણકારો સંપૂર્ણ હિસ્સેદારી વેચી કંપનીમાંથી બહાર નીકળી રહ્યા છે. આના કારણે લૉન્ગ ટર્મ શેરહોલ્ડિંગ પૅટર્નમાં ફેરફાર આવી શકે છે.
જો આ બ્લોક ડીલમાં હાઈ-ક્વોલિટી ડોમેસ્ટિક અથવા વિદેશી ફંડ્સ ખરીદી કરે છે, તો લૉન્ગ ટર્મ સેન્ટિમેન્ટ મજબૂત રહી શકે છે.
જણાવી દઈએ કે, આવી મોટી બ્લોક ડીલ બજારમાં અસ્થિરતા લાવી શકે છે. ખાસ કરીને માર્કેટના શરૂઆતી સમયે જોરદાર હલચલ જોવા મળી શકે છે. ટૂંકમાં કહીએ તો, આ બંને શેરોમાં જબરદસ્ત મૂવમેન્ટ જોવા મળી શકે છે.
