Stock Market : 3,600 કરોડ રૂપિયાનો IPO અને શેરની કિંમત 139 રૂપિયા, રોકાણકારો દાવ લગાવવા તૈયાર ! આજે છેલ્લો દિવસ
હાલમાં IPO ની સિઝન ચાલી રહી હોય તેવું લાગી રહ્યું છે. એક પછી એક દમદાર IPO આવી રહ્યા છે, જે રોકાણકારો માટે કોઈ લોટરીથી ઓછા નથી. એવામાં ચાલો જાણીએ કે, 7 ઓગસ્ટના રોજ કઈ દિગ્ગજ કંપની પોતાનો IPO લાવી રહી છે...
સિમેન્ટ ઉદ્યોગની દિગ્ગજ કંપની તેના IPO સાથે બજારમાં એન્ટ્રી મારવા માટે તૈયાર છે. જણાવી દઈએ કે, કંપની રૂ. 3600 કરોડ એકત્ર કરવાની યોજના બનાવી રહી છે. આ માટે, કંપનીએ તેના IPOની પ્રાઇસ બેન્ડ પણ નક્કી કરી છે.
સિમેન્ટ ઉદ્યોગની દિગ્ગજ કંપની JSW સિમેન્ટ તેના પહેલા પબ્લિક ઇશ્યૂ (IPO) સાથે શેરબજારમાં ધમાલ મચાવશે. કંપની આ દ્વારા રૂ. 3600 કરોડ એકત્ર કરવાની યોજના બનાવી રહી છે. આ માટે કંપનીએ તેના IPOની પ્રાઇસ બેન્ડ પણ નક્કી કરી છે. આ IPO 7 ઓગસ્ટથી ખુલશે અને 11 ઓગસ્ટના રોજ બંધ થશે.
કંપનીએ તેના IPO માટે પ્રાઇસ બેન્ડ ₹139 થી ₹147 પ્રતિ શેર નક્કી કરી છે, જેની ફેસ વેલ્યુ ₹10 છે. આવી સ્થિતિમાં, રોકાણકારો પાસે આ સિમેન્ટ કંપનીમાંથી પૈસા કમાવવાની સારી તક રહેશે.
JSW સિમેન્ટનો IPO બે ભાગમાં છે, જેમાં એક ₹1,600 કરોડનો નવો ઇશ્યૂ અને ₹2,000 કરોડનો ઓફર ફોર સેલ (OFS) છે. OFS માં, એપોલો મેનેજમેન્ટની પેટાકંપની AP એશિયા ઓપર્ચ્યુનિસ્ટિક હોલ્ડિંગ્સ લિમિટેડ ₹931.80 કરોડના શેર વેચશે, સિનર્જી મેટલ્સ ઇન્વેસ્ટમેન્ટ્સ હોલ્ડિંગ લિમિટેડ ₹938.50 કરોડના શેર વેચશે અને સ્ટેટ બેંક ઓફ ઇન્ડિયા (SBI) ₹129.70 કરોડના શેર વેચશે.
કંપની આ IPOમાંથી એકત્ર કરાયેલા ₹800 કરોડનો ઉપયોગ રાજસ્થાનના નાગૌરમાં નવી ઇન્ટીગ્રેટેડ સિમેન્ટ સુવિધા માટે કરશે. આ સિવાય ₹520 કરોડ હાલના દેવાની ચુકવણી અથવા આગળની ચુકવણી પર ખર્ચવામાં આવશે.
બાકીની રકમ સામાન્ય કોર્પોરેટ જરૂરિયાતો માટે રાખવામાં આવી છે. તમને જણાવી દઈએ કે, અગાઉ કંપની ₹4,000 કરોડ એકત્ર કરવાની યોજના બનાવી રહી હતી પરંતુ તાજેતરના રેડ હેરિંગ પ્રોસ્પેક્ટસ (RHP) અનુસાર તાજા ઇશ્યૂમાં ₹400 કરોડનો ઘટાડો કરવામાં આવ્યો છે.
આ IPO માં 50% શેર ક્વોલિફાઇડ ઇન્સ્ટિટ્યુશનલ બાયર્સ (QIBs) માટે, ઓછામાં ઓછા 15% નોન ઇન્સ્ટિટ્યુશનલ ઈન્વેસ્ટર્સ (NIIs) માટે અને 35% રિટેલ રોકાણકારો માટે રિઝર્વમાં રાખવામાં આવ્યા છે.
જણાવી દઈએ કે, લોટ સાઈઝ 102 શેરની છે. એન્કર રોકાણકારો માટે ફાળવણી 6 ઓગસ્ટના રોજ કરવામાં આવશે. શેર એલોટમેન્ટ ડેટ 12 ઓગસ્ટના રોજ નક્કી કરવામાં આવી છે. રિફંડ 13 ઓગસ્ટથી શરૂ થશે અને તે જ દિવસે શેર ડીમેટ ખાતામાં જમા થશે. BSE અને NSE પર લિસ્ટિંગની સંભવિત તારીખ 14 ઓગસ્ટ છે.
Published On - 6:34 pm, Tue, 5 August 25
