રોલ્ટા એક ભારતીય બહુરાષ્ટ્રીય ટેકનોલોજી કંપની છે જેનું મુખ્ય મથક મુંબઈમાં આવેલું છે. કંપની આઇટી, બિઝનેસ ઇન્ટેલિજન્સ અને બિગડેટા એનાલિટિક્સ, જિયોગ્રાફિક ડેટા અને ઇન્ફોર્મેશન એન્ડ એન્જિનિયરિંગ પર ધ્યાન કેન્દ્રિત કરે છે. કંપની બોમ્બે સ્ટોક એક્સચેન્જ અને નેશનલ સ્ટોક એક્સચેન્જ ઓફ ઇન્ડિયા પર લિસ્ટેડ છે.
રોલ્ટાએ BSE ને આજે 6 ફેબ્રુઆરીના રોજ એક જાણ કરી હતી કે, કંપની હવે નાદારી પ્રક્રિયા કરવા જઈ રહી છે. 19 સપ્ટેમ્બર, 2014 ના રોજ કંપનીના શેરનો ભાવ 122.90 રૂપિયા હતો. આજે શેરનો ભાવ 0.10 રૂપિયાના વધારા સાથે ટ્રેડ થઈ રહ્યો હતો. શેરમાં આજે અપર સર્કિટ જોવા મળી હતી અને તે 3 રૂપિયા પર બંધ થયો હતો. કંપનીએ અત્યાર સુધીમાં -91.55 ટકાનું રિટર્ન આપ્યું છે.
દેવામાં ડૂબેલી કંપની રોલ્ટા ઈન્ડિયાને ખરીદવા માટે બાબા રામદેવે રસ દાખવ્યો છે. પતંજલિ દ્વારા રોલ્ટાને ખરીદવા માટે 830 કરોડ રૂપિયાની ઓફર આપવામાં આવી છે. આ પહેલા પુણે સ્થિત અશદાન પ્રોપર્ટીઝે રોલ્ટાને ખરીદવા માટે સૌથી મોટી બીડ લગાવી હતી.
મીડિયા અહેવાલ અનુસાર, પતંજલિ દ્વારા રોલ્ટા ઈન્ડિયાને 820 થી 830 કરોડ રૂપિયાની ઓફર આપવામાં આવી છે જે હાલની ઓફર કરતાં વધારે રકમની છે. આ ઉપરાંત પતંજલિની ઓફરમાં તમામ રકમ રોકડમાં ચૂકવવાનો સમાવેશ થાય છે.
છેલ્લા 5 દિવસની વાત કરીએ તો રોલ્ટા ઈન્ડિયાના શેરે 11.11 ટકાનું રિટર્ન આપ્યું છે. જો આપણે રૂપિયામાં ગણતરી કરીએ તો તે 0.30 રૂપિયા થાય છે. કંપનીના શેરે છેલ્લા 6 મહિનામાં ઈન્વેસ્ટર્સને 1.05 રૂપિયાનું વળતર આપ્યું છે. શેર 6 માસમાં 53.85 ટકા વધ્યો હતો.