Stock Market : રોકાણકારો માટે ‘ઓક્ટોબર’ મહિનો અવસર સમાન ! આ 4 કંપની આપશે મજબૂત ડિવિડન્ડ, તમારી પાસે કયા શેર્સ છે ?
આ 4 કંપની ટૂંક સમયમાં જ તેમના નાણાકીય વર્ષ 2026 ના બીજા ક્વાર્ટરના પરિણામો જાહેર કરશે. એમાંય હવે આ કંપનીઓ ઓક્ટોબર 2025 માં તેમના પરિણામો જાહેર કરતી વખતે ડિવિડન્ડને લગતા સારા સમાચાર આપશે.
ગ્લેનમાર્ક ફાર્માએ તેના બોર્ડની ભલામણ ઉપર 250% અથવા પ્રતિ શેર ₹2.5 નું વચગાળાનું ડિવિડન્ડ જાહેર કર્યું છે. રેકોર્ડ તારીખ 3 ઓક્ટોબર, 2025 છે. આ કંપનીનું પહેલું વચગાળાનું ડિવિડન્ડ છે, જેણે છેલ્લા 5 વર્ષથી સતત ફાઇનલ ડિવિડન્ડ ચૂકવ્યું છે. કંપનીએ વર્ષ 2001 થી 26 વખત ડિવિડન્ડ જાહેર કર્યું છે. ગ્લેનમાર્ક નવી દવાઓ અને બાયોલોજિકલ એન્ટિટીના રિસર્ચમાં સક્રિય છે તેમજ 80 થી વધુ દેશોમાં તેના API પ્રોડક્ટસનું વેચાણ કરે છે.
રાષ્ટ્રીય કેમિકલ્સ એન્ડ ફર્ટિલાઇઝર્સે (RCF) નાણાકીય વર્ષ 2025 માટે 13.2% અથવા પ્રતિ શેર ₹1.32 નું ફાઇનલ ડિવિડન્ડ જાહેર કર્યું છે. આની રેકોર્ડ ડેટ 10 ઓક્ટોબર, 2025 છે. કંપનીએ વર્ષ 2004 થી અંદાજિત 25 વખત ડિવિડન્ડ આપ્યું છે. RCF એક અગ્રણી ફર્ટિલાઇઝર્સ અને કેમિકલ ઉત્પાદક કંપની છે, જેના લગભગ 75% શેર ભારત સરકાર પાસે છે. આ કંપનીને ઓગસ્ટ 2023 માં નવરત્નનો દરજ્જો મળેલો છે.
TCS નું બોર્ડ 9 ઓક્ટોબરે બેઠક કરશે અને વચગાળાનું ડિવિડન્ડ જાહેર કરશે. રેકોર્ડ ડેટ 15 ઓક્ટોબર, 2025 છે. કંપનીએ જુલાઈ 2025 માં ₹11 નું વચગાળાનું ડિવિડન્ડ, જાન્યુઆરી 2025 માં ₹10 નું વચગાળાનું ડિવિડન્ડ અને ₹66 નું સ્પેશિયલ ડિવિડન્ડ ચૂકવ્યું હતું. ટાટા કન્સલ્ટન્સી સર્વિસે વર્ષ 2004 થી અત્યાર સુધીમાં 89 વખત ડિવિડન્ડ જાહેર કરીને તેના શેરધારકોને ડિવિડન્ડ ચૂકવ્યું છે.
