Gujarati NewsPhoto galleryStock market crash creates huge buying opportunity as experts reveal 11 stock forecast for up to 60 percent upside
Stock Market: રોકાણકારો ‘જેકપોટ’ માટે તૈયાર! બજારના ઘટાડા વચ્ચે આ 11 શેરમાં કમાણીનો મોટો મોકો, નિષ્ણાતોએ આપ્યું ‘BUY’ સિગ્નલ
વૈશ્વિક બજારના દબાણ વચ્ચે ભારતીય શેરબજારમાં અસ્થિરતા હોવા છતાં દેશના ટોચના બ્રોકરેજ હાઉસિસ કેટલાક પસંદગીના શેરો પર ભારે બુલિશ છે. લગભગ 11 મજબૂત શેરમાં નિષ્ણાતોએ 60% સુધીના સંભવિત ઉછાળાની આગાહી કરી છે.
આ અઠવાડિયે વૈશ્વિક ટેક શેરોમાં વેચવાલીના કારણે ભારતીય શેરબજારમાં 1.5 ટકાથી વધુનો ઘટાડો નોંધાયો છે. ટેક સ્ટોક્સમાં થયેલી વેચવાલીએ બેન્ચમાર્ક ઈન્ડેક્સ પર ભારે દબાણ બનાવ્યું હતું. આ દરમિયાન Jefferies, Motilal Oswal, Nuvama Wealth Management, Axis Securities અને Citi સહિતની ઘણી બ્રોકરેજ હાઉસ કંપનીઓએ તેમના તાજા સૂચનો જાહેર કર્યા છે, જેમાં રોકાણકારોને જોરદાર વળતર મળી શકે છે.
1 / 12
Axis Securities એ જાહેર ક્ષેત્રની બેંક State Bank of India (SBI) માટે ₹1,280 નો ટાર્ગેટ નક્કી કર્યો છે. આ વર્તમાન સ્તરથી લગભગ 7.1 ટકાના સંભવિત ઉછાળાનો સંકેત આપે છે. બ્રોકરેજના જણાવ્યા અનુસાર, બેંકે તેના ગ્રોથ ગાઈડન્સને 12-14 ટકાથી વધારીને 13-15 ટકા કરી દીધું છે. રિટેલ, એગ્રીકલ્ચર અને MSME સેગમેન્ટમાં મજબૂતી તેમજ કોર્પોરેટ લેન્ડિંગમાં સુધારો આ વૃદ્ધિનો મુખ્ય આધાર છે.
2 / 12
Citi એ ઓટોમોબાઈલ કંપની Eicher Motors પર 'Buy' રેટિંગ જાળવી રાખીને 12 મહિનાનો ટાર્ગેટ ₹8,300 કર્યો છે. વર્તમાન બજાર ભાવની સરખામણીમાં આમાં અંદાજે 13.5 ટકાની સંભવિત તેજી જોવા મળી રહી છે. GST કટ બાદ કંપનીના શો-રૂમમાં ગ્રાહકોની અવરજવર (Footfall), બુકિંગ અને કન્વર્ઝનમાં મોટો ઉછાળો આવ્યો છે. કંપની નાણાકીય વર્ષ 2028 સુધીમાં તેની ઉત્પાદન ક્ષમતા 14.5 લાખ યુનિટથી વધારીને 20 લાખ યુનિટ કરવાની યોજના પર કામ કરી રહી છે, જેના માટે આશરે ₹958 કરોડનું મૂડી રોકાણ (Capex) પ્રસ્તાવિત છે.
3 / 12
Axis Securities એ ખાનગી ક્ષેત્રની Kotak Mahindra Bank માટે ₹515 નો લક્ષ્યાંક આપ્યો છે. આ સ્તર વર્તમાન કિંમતથી લગભગ 19.9 ટકા જેટલી વૃદ્ધિની શક્યતા દર્શાવે છે. માઇક્રોફાઇનાન્સ અને પર્સનલ લોન પોર્ટફોલિયોમાં તણાવ ઓછો થવાને કારણે ક્રેડિટ કોસ્ટમાં ઘટાડો શરૂ થયો છે. રિટેલ કોમર્શિયલ વ્હીકલ સેગમેન્ટમાં થોડું દબાણ છે પરંતુ બેંકે અંડરરાઈટિંગ કડક કરીને જોખમને નિયંત્રણમાં રાખ્યું છે.
4 / 12
Nuvama એ Apollo Hospitals Enterprise માટે ₹9,090 નો ટાર્ગેટ રાખ્યો છે. વર્તમાન સ્તરથી આ શેરમાં આશરે 20 ટકા સુધીની તેજીની સંભાવના વ્યક્ત કરવામાં આવી છે. નાણાકીય વર્ષ 2025-28 દરમિયાન હોસ્પિટલની આવકમાં વાર્ષિક આશરે 15 ટકા વૃદ્ધિની અપેક્ષા છે. આ સમયગાળા દરમિયાન 1,500 નવા બેડ ઉમેરવામાં આવશે અને વર્તમાન હોસ્પિટલોમાં 12-13 ટકા ગ્રોથનો અંદાજ છે.
5 / 12
Jefferies એ Lenskart પર 'Buy' રેટિંગ જાળવી રાખીને ₹575 નો ટાર્ગેટ આપ્યો છે. આનાથી લગભગ 21 ટકા વળતર મળી શકે છે. બ્રોકરેજ મુજબ, કંપનીએ ભારત અને આંતરરાષ્ટ્રીય બજારમાં મજબૂત ગ્રોથ અને ઉત્તમ માર્જિન એક્સપાન્શન સાથે શાનદાર ત્રિમાસિક પરિણામો આપ્યા છે. મેનેજમેન્ટનું ધ્યાન ટૂંકાગાળાના માર્જિન પર નહીં પરંતુ લોન્ગ-ટર્મ ગ્રોથ પર છે.
6 / 12
Motilal Oswal એ ટાટા ગ્રુપની હોટલ ચેન IHCL (Taj Hotels) પર 'Buy' રેટિંગ જાળવી રાખીને ₹900 નો ટાર્ગેટ રાખ્યો છે. આ વર્તમાન સ્તરથી 26 ટકાથી વધુ સંભવિત તેજી દર્શાવે છે. ફૂડ એન્ડ બેવરેજ ગ્રોથમાં ઉછાળો MICE (મીટિંગ્સ, ઇન્સેન્ટિવ્સ, કોન્ફરન્સ અને એક્ઝિબિશન) પ્રવૃત્તિઓ, લગ્નની સીઝન અને વધુ ઈવેન્ટ્સને કારણે આવ્યો છે. બ્રોકરેજને અપેક્ષા છે કે, ચોથા ક્વાર્ટરમાં પણ ડબલ ડિજિટ રેવન્યુ ગ્રોથ ચાલુ રહેશે.
7 / 12
Nuvama એ Muthoot Finance પર 'Buy' રેટિંગ સાથે ₹4,700 નો સુધારેલો (Revised) ટાર્ગેટ આપ્યો છે. ₹3,610 ના સ્તરથી આ લગભગ 30.2 ટકા વળતરની સંભાવના છે. ગોલ્ડ AUM (એસેટ્સ અન્ડર મેનેજમેન્ટ) ત્રિમાસિક ધોરણે 12 ટકા અને વાર્ષિક ધોરણે 50 ટકા વધ્યું છે. NIM માં 11 બેસિસ પોઈન્ટનો સુધારો થયો છે અને ગ્રોસ સ્ટેજ 3 રેશિયો 67 બેસિસ પોઈન્ટ ઘટ્યો છે. કંપનીનો PAT (નફો) વાર્ષિક ધોરણે 95 ટકા વધ્યો છે.
8 / 12
Nuvama એ Whirlpool of India પર 'Buy' કોલ સાથે ₹1,270 નો લક્ષ્યાંક રાખ્યો છે. આ વર્તમાન બજાર ભાવથી લગભગ 42 ટકા સુધીના સંભવિત ઉછાળાનો સંકેત આપે છે. પ્રમોટર હિસ્સાના વેચાણના ઓવરહેંગને ધ્યાનમાં રાખીને, ટાર્ગેટ P/E મલ્ટિપલ 38 ગણાથી ઘટાડીને 35 ગણું કરવામાં આવ્યું છે. શેર નાણાકીય વર્ષ 2026-27ની અંદાજિત કમાણીના 28 ગણા પર ટ્રેડ થઈ રહ્યો છે અને નફો પ્રાઇસિંગ ટ્રેન્ડ, રેગ્યુલેટરી કોસ્ટ તેમજ પ્રોડક્ટ મિક્સ પર નિર્ભર રહેશે.
9 / 12
Choice Institutional Equities એ Shanti Gold International પર 'Buy' રેટિંગ આપ્યું છે અને ₹350 નો ટાર્ગેટ પ્રાઇસ નક્કી કર્યો છે. આ વર્તમાન શેરના ભાવથી 60.6% જેટલી સંભવિત તેજી દર્શાવે છે. આ લક્ષ્યાંક DCF (ડિસ્કાઉન્ટેડ કેશ ફ્લો) આધારિત વેલ્યુએશન પર આધારિત છે અને નાણાકીય વર્ષ 2028 ના અંદાજિત EPS પર 9.7 ગણા PE ને સૂચવે છે. બ્રોકરેજ મુજબ, કંપની મુંબઈ અને જયપુરમાં ઉત્પાદન ક્ષમતાનું વિસ્તરણ કરી રહી છે. મેનેજમેન્ટે નાણાકીય વર્ષ 2027 માં 60-70 ટકા રેવન્યુ ગ્રોથનો લક્ષ્યાંક રાખ્યો છે. કંપની તેની નિકાસ હિસ્સેદારી (Export Share) આશરે 2 ટકાથી વધારીને 10 ટકા સુધી લઈ જવાની યોજના બનાવી રહી છે.
10 / 12
Motilal Oswal એ Hindalco પર 'Buy' રેટિંગ જાળવી રાખીને ₹1,110 નો લક્ષ્યાંક નક્કી કર્યો છે. આ વર્તમાન સ્તરથી આશરે 22.6 ટકા જેટલી સંભવિત તેજી દર્શાવે છે. કંપનીનું કન્સોલિડેટેડ નેટ વેચાણ ₹66,500 કરોડ રહ્યું છે, જે વાર્ષિક ધોરણે 14 ટકા વધ્યું છે. EBITDA ₹7,975 કરોડ રહ્યો. જો કે, નોવેલિસ (Novelis) બિઝનેસમાં નબળાઈને કારણે એડજસ્ટેડ PAT (નફો) ત્રિમાસિક ધોરણે 20 ટકા ઘટીને ₹3,900 કરોડ રહ્યો છે.
11 / 12
Jefferies એ ઓટોમોબાઈલ દિગ્ગજ Mahindra & Mahindra પર 'Buy' રેટિંગ કાયમ રાખીને ₹4,500 નો ટાર્ગેટ આપ્યો છે. વર્તમાન ભાવથી આ શેરમાં આશરે 22 ટકા ઉછાળાની શક્યતા માનવામાં આવી રહી છે. કંપનીએ સતત 15મા ત્રિમાસિક ગાળામાં ડબલ ડિજિટ EBITDA વૃદ્ધિ નોંધાવી છે. ડિસેમ્બર ક્વાર્ટરમાં EBITDA વાર્ષિક ધોરણે 27 ટકા વધ્યો છે.
12 / 12
નોંધ: અહીં આપવામાં આવેલી માહિતી ફક્ત જાણકારી માટે છે. TV9 Gujarati કોઈપણ રીતે શેરમાં કે IPO માં પૈસા લગાવવાની કે વેચવાની સલાહ આપતું નથી. શેરબજારમાં રોકાણ સંભવિત જોખમ સાથે સંકળાયેલું છે. રોકાણ કરતા પહેલા તમારા નાણાંકીય સલાહકાર અથવા માર્કેટ એક્સપર્ટની સલાહ જરૂરથી લો.
આ પણ વાંચો: Stock Market : 01 શેર પર 200 રૂપિયાનો નફો ! દમદાર રિટર્ન અને જોરદાર ડિવિડન્ડની તક, ‘SELL’ કરવાની ભૂલ ન કરતા….
