Stock Market : 83.7 મિલિયન બોનસ શેર ! કંપની રોકાણકારોને 1 ઉપર 1 શેર ફ્રી અને ડિવિડન્ડ બંને આપશે, તમે આ સ્ટોકમાં કેટલા રૂપિયા રોક્યા છે ?
સ્ટોક માર્કેટમાં ભારે ઉથલપાથલ બાદ ડાયગ્નોસ્ટિક કંપનીએ તેના સપ્ટેમ્બર ક્વાર્ટરના પરિણામો જાહેર કર્યા છે. આ સાથે જ કંપનીએ ડિવિડન્ડ અને બોનસ શેરની જાહેરાત કરી છે.
કંપનીનો વાર્ષિક ધોરણે ચોખ્ખો નફો ₹129 કરોડથી વધીને ₹151 કરોડ થયો છે, જે આશરે 17% નો વધારો દર્શાવે છે. તેની કુલ આવક પણ ₹660 કરોડથી વધીને ₹731 કરોડ થઈ છે. EBITDA ₹202 કરોડથી વધીને ₹224.3 કરોડ થયો છે. જો કે, કંપનીનો EBITDA માર્જિન ક્વાર્ટર દરમિયાન 31% પર સ્થિર રહ્યો છે.
ડાયગ્નોસ્ટિક કંપનીએ તેના સપ્ટેમ્બર ક્વાર્ટરના પરિણામો સાથે ₹10 ફેસ વેલ્યુવાળા શેર દીઠ ₹7 નું બીજું વચગાળાનું ડિવિડન્ડ (70%) જાહેર કર્યું છે. આ ડિવિડન્ડ માટેની રેકોર્ડ તારીખ 7 નવેમ્બર, 2025 છે અને ચુકવણી આગામી 30 દિવસમાં કરવામાં આવશે, તેવા સમાચાર બહાર આવ્યા છે.
મીડિયા રિપોર્ટસ અનુસાર, અગાઉ કંપનીએ જુલાઈ 2025 માં પ્રતિ શેર ₹6 નું પહેલું વચગાળાનું ડિવિડન્ડ અને માર્ચ 2025 માટે ₹6 નું ફાઇનલ ડિવિડન્ડ જાહેર કર્યું હતું. વધુમાં કંપનીએ 1:1 રેશિયોમાં બોનસ શેર આપવાનું નક્કી કર્યું છે, એટલે કે દરેક શેર ઉપર એક વધારાનો શેર રોકાણકારોને મળશે.
સૂત્રો પરથી જાણવા મળ્યું છે કે, આ બોનસ શેર સિક્યોરિટીઝ પ્રીમિયમ એકાઉન્ટમાંથી ફાળવવામાં આવશે. કુલ 83.7 મિલિયન બોનસ શેર ઇસ્યુ કરવામાં આવશે, જેની કુલ કિંમત આશરે ₹83.77 કરોડ છે. બોનસ શેરનું ક્રેડિટ અથવા ડિસ્પેચ 30 ડિસેમ્બર, 2025 સુધીમાં પૂર્ણ થશે.
ડૉ. લાલ પેથલેબ્સના શેર હાલમાં લગભગ ₹3,090.6 પર ટ્રેડ થઈ રહ્યા છે. કંપનીમાં પ્રમોટરનો હિસ્સો 53.21% છે અને તેમાં 1,00,000 થી વધુ રિટેલ શેરધારકો છે. આ પહેલી વાર છે, જ્યારે કંપની તેના રોકાણકારોને બોનસ શેર ઓફર કરી રહી છે. અત્યાર સુધી કંપની ફક્ત ડિવિડન્ડનું વિતરણ કરતી હતી.
