₹406 નો નવો ટાર્ગેટ અને 42% રિટર્નની શક્યતા, બ્રોકરેજ ફર્મે આ મજબૂત સ્ટોક પર આપ્યું ‘BUY’ રેટિંગ
જો તમે શેરબજારમાં રોકાણ કરો છો કે નવા સ્ટોક્સની શોધમાં છો, તો હેલ્થકેર સેક્ટર તરફથી એક ખૂબ જ મહત્વના સમાચાર સામે આવ્યા છે. જાણીતી બ્રોકરેજ ફર્મે આ સેક્ટરના એક મજબૂત શેર પર પોતાનો ભરોસો દર્શાવ્યો છે અને BUY કોલ આપ્યો છે.
બ્રોકરેજ ફર્મ Ventura Securities એ પાર્ક મેડી વર્લ્ડ લિમિટેડ (Park Medi World Ltd) પર પોતાનું કવરેજ શરૂ કરતા શેર પર BUY કોલ આપ્યો છે અને 41.9% અપસાઇડની અપેક્ષા વ્યક્ત કરી છે. કંપનીનો શેર આજે એટલે કે બુધવારના રોજ NSE પર 1.34% અથવા ₹3.75 ઘટીને ₹276.75 પર બંધ થયો અને BSE પર સ્ટોક 0.91% અથવા ₹2.55 તૂટીને ₹278.35 પર બંધ થયો.
બ્રોકરેજે Park Medi World પર ₹205 ના CMP પર ₹284 નો ટાર્ગેટ પ્રાઇસ આપ્યો હતો પરંતુ કંપનીના મજબૂત પ્રદર્શન અને ઝડપી બેડ વિસ્તરણને જોતાં હવે ટાર્ગેટ પ્રાઇસ વધારીને ₹406 કરી દીધો છે. ₹286 ના CMP સામે આ લગભગ 41.9% ની સંભવિત તેજી દર્શાવે છે.
કંપનીએ પોતાના રિપોર્ટમાં જણાવ્યું કે, તેઓ FY28 ની બેડ ક્ષમતાનો લક્ષ્યાંક નક્કી કરેલા સમય પહેલાં હાંસલ કરવાના માર્ગ પર છે. હોસ્પિટલોમાં ઓક્યુપન્સી મજબૂત બનેલી છે, જેનાથી આગળ બેડ વધારવા અને માર્જિનમાં સુધારો થવાની શક્યતા છે. આ સિવાય ઉત્તર પ્રદેશ સરકાર સાથે પ્રસ્તાવિત પબ્લિક-પ્રાઇવેટ પાર્ટનરશિપ (PPP) કંપની માટે મીડિયમ ટર્મમાં ગ્રોથનું વધુ એક મોટું માધ્યમ બની શકે છે.
ઉત્તર પ્રદેશમાં પશ્ચિમી અને દક્ષિણ ભારતની તુલનામાં પ્રતિ વ્યક્તિ હોસ્પિટલ બેડની ઉપલબ્ધતા ખૂબ ઓછી છે. તેથી, અહીં હોસ્પિટલ વિસ્તરણની અતિ વિશાળ તક રહેલી છે. નાણાકીય પ્રદર્શનની વાત કરીએ તો, FY26 થી FY29E વચ્ચે Park Medi World ની આવક 26.8%, EBITDA 28.8% અને PAT માં 33.4% ની CAGR રહેવાનું અનુમાન છે. આ દરમિયાન કંપનીની રેવન્યુ વધીને લગભગ ₹3,420 કરોડ, EBITDA ₹949 કરોડ અને PAT ₹631 કરોડ સુધી પહોંચી શકે છે.
EBITDA માર્જિન FY26 ના 26.4% થી લગભગ 140 બેસિસ પોઇન્ટ વધીને FY29E માં 27.8% થઈ શકે છે, જ્યારે PAT માર્જિન 15.7% થી લગભગ 280 બેસિસ પોઇન્ટ વધીને 18.5% રહેવાનું અનુમાન છે.
ઝડપી ક્ષમતા વિસ્તરણ, ARPOB એટલે કે પ્રતિ ઓક્યુપાઇડ બેડ સરેરાશ રેવન્યુમાં ડબલ-ડિજિટ ગ્રોથ, નવા શરૂ થયેલા હોસ્પિટલોનું ઉત્કૃષ્ટ પ્રદર્શન, સ્પેશિયાલિટી અને પેયર મિક્સમાં સુધારો, ઓપરેટિંગ લીવરેજ અને નાણાકીય ખર્ચ ઘટવાથી કંપનીની કમાણીને મજબૂતી મળવાની અપેક્ષા છે. આ કારણોસર બ્રોકરેજનું માનવું છે કે, Park Medi World ની કમાણીમાં આગળ પણ મજબૂત અને સતત વૃદ્ધિ જોવા મળી શકે છે.
Published On - 6:40 pm, Wed, 2 September 26
