Stock Market : દેશની સૌથી મોટી બેંકે રોકાણકારોને ખુશ કર્યા, બોનસ શેરની કરી જાહેરાત, રેકોર્ડ ડેટ જાણો
મંગળવારના દિવસે સ્ટોક માર્કેટમાં ઉથલપાથલ જોવા મળી. કેટલાંક રોકાણકારોને સારું એવું રિટર્ન મળ્યું, તો કટેલાંક રોકાણકારોએ નુકસાન સહન કરવું પડ્યું.
રોકાણકારો માટે સારા સમાચાર બહાર આવ્યા છે. દેશની સૌથી મોટી બેંકે (માર્કેટ કેપિટલાઈઝેન મુજબ) પહેલીવાર બોનસ શેર આપવાનું નક્કી કર્યું છે. બેંક દરેક શેર પર એક શેર બોનસ તરીકે આપશે. બેંકે બોનસ ઇશ્યૂ માટે રેકોર્ડ ડેટ 27 ઓગસ્ટ, 2025 નક્કી કરી છે.
મંગળવારે (12 ઓગસ્ટ) બીએસઈ પર એચડીએફસી બેંકના શેરનો ભાવ રૂ. 1969.95 પર બંધ થયો, જે અગાઉના બંધ ભાવ કરતા 1.31 ટકા ઓછો છે. એચડીએફસી બેંકના શેરનો 52 અઠવાડિયાનો હાઈ રૂ. 2036.30 છે અને 52 અઠવાડિયાનો લો રૂ. 1601.20 છે.
બેંકનું માર્કેટ કેપ રૂ. 15,11,583 કરોડ છે. HDFC બેંકના શેરના પ્રદર્શન પર નજર કરીએ તો, છેલ્લા એક અઠવાડિયામાં 0.34 ટકાનો ઘટાડો થયો છે.
છેલ્લા એક મહિનામાં શેરમાં 0.89 ટકાનો ઘટાડો થયો છે. 3 મહિનામાં કંપનીના શેરમાં 0.63 ટકાનો નજીવો વધારો જોવા મળ્યો છે. આ વર્ષે શેરમાં 11.14 ટકાની મજબૂતાઈ જોવા મળી છે.
છેલ્લા એક વર્ષમાં એચડીએફસી બેંકના શેરે 18.60 ટકાનું રિટર્ન આપ્યું છે. બીજી તરફ, છેલ્લા 3 વર્ષમાં HDFC બેંકના શેરમાં 32.67 ટકાનો ઉછાળો આવ્યો છે.
Published On - 8:54 pm, Tue, 12 August 25
