Stock Market: સરકારી કંપનીમાં ‘BUY સિગ્નલ’ ! 45% ના તોતિંગ ઘટાડા બાદ હવે ઉછાળાની તૈયારી, બસ આ એક લેવલ પાર કરતા જ શેરમાં આવશે ‘તેજી’
શેરબજારમાં રોકાણ કરતા દરેક વ્યક્તિ માટે એક મહત્વના સમાચાર સામે આવ્યા છે. એક એવી મજબૂત સરકારી કંપની કે, જેમાં સરકારનો 89% જેટલો મોટો હિસ્સો છે, તેના શેરમાં અત્યારે ખરીદી માટેનો એક સારો સંકેત જોવા મળી રહ્યો છે.
સરકારી કંપની NTPC Green માં 'બાય સિગ્નલ' (ખરીદવાનો સંકેત) જોવા મળ્યો છે. લાંબાગાળાના રોકાણ (Long term investment) અને સ્વિંગ ટ્રેડિંગ (Swing Trading) બંને માટે આ શેર સારો જણાય છે.
મળતી માહિતી મુજબ, વર્ષ 2024 માં આ શેર આશરે 122 રૂપિયા પર લોન્ચ થયો હતો. તેના પછીના એક અઠવાડિયામાં તેણે 155 રૂપિયા સુધીનો હાઈ (High) બનાવ્યો હતો પરંતુ ત્યાંથી તે સતત ઘટ્યો અને 45 ટકા સુધી તૂટી ગયો હતો. હવે, તે Weekly Time Frame પર RSI 35 ના લેવલને તોડીને ઉપર આવી ગયો છે. એવામાં જેમ જ આ શેર તેની લોન્ચિંગ ઓપન પ્રાઈસ 122 રૂપિયાને પાર કરશે, તો તેમાં તેજીથી ઉછાળો (Rally) આવવાની શક્યતા ઘણી વધી જશે.
ટૂંકમાં અત્યારે આ શેર 98 રૂપિયામાં મળી રહ્યો છે, તો આ પ્રવેશ કરવા માટેનું (Entry level) ઘણું શાનદાર સ્તર છે. આ કંપનીમાં સરકાર 89% હિસ્સેદારી ધરાવે છે, જે રોકાણકારો માટે વિશ્વાસનું મોટું કારણ છે.
સરકારી કંપની NTPC Green ના શેર માટે એનાલિસ્ટ્સ દ્વારા સકારાત્મક સંકેતો મળી રહ્યા છે, જેમાં આગામી એક વર્ષ માટેના ભાવના લક્ષ્યાંકો (Price Targets) જાહેર કરવામાં આવ્યા છે. કુલ 6 એનાલિસ્ટ્સના મતે આ શેર માટે એક વર્ષનો મહત્તમ અંદાજ ₹121.00 રાખવામાં આવ્યો છે, જે વર્તમાન ભાવથી લગભગ 23.34% જેટલો ઉછાળો સૂચવે છે, જ્યારે સરેરાશ લક્ષ્યાંક ₹99.50 અને લઘુત્તમ અંદાજ ₹75.00 નો છે.
હાલમાં આ શેર ₹98.10 ની આસપાસ ટ્રેડ થઈ રહ્યો છે અને ચાર્ટ પર રિકવરીના સ્પષ્ટ સંકેતો દેખાઈ રહ્યા છે. ખાસ કરીને જ્યારે આ શેર તેના સરેરાશ લક્ષ્યાંકને પાર કરીને આગળ વધશે, ત્યારે એનાલિસ્ટ્સના મતે તેમાં તેજીની સંભાવના ઘણી વધારે છે, જે તેને લાંબાગાળાના રોકાણકારો માટે એક મજબૂત પસંદગી બનાવે છે.
