Paris Olympics Neeraj Chopra Live :નીરજ ચોપરાની ક્વોલિફિકેશન મેચ ક્યારે અને ક્યાં મફતમાં જોઈ શકશો, જાણો
નીરજ ચોપરા ઈજાના કારણે ઓલિમ્પિક પહેલા અનેક સ્પર્ધાઓમાં ભાગ લઈ શક્યો ન હતો, પરંતુ તેમ છતાં તે સતત બીજા ઓલિમ્પિક ગોલ્ડ મેડલનો પ્રબળ દાવેદાર માનવામાં આવે છે.
ઓલિમ્પિકમાં ગોલ્ડ મેડલ વિજેતા પહેલો ભારતીય એથલીટ બની ભારત માટે ઈતિહાસ રચનાર નીરજ ચોપરા 2020 ટોક્યો ઓલિમ્પિકમાં ભાલા ફેક ઈવેન્ટમાં ગોલ્ડ મેડલ જીત્યો હતો. ત્યારબાદ વર્લ્ડ ચેમ્પિયનશિપ, એશિયન ગેમ્સ અને ડાયમંડ લીગ ફાઈનલમાં ચેમ્પિયન બની ચર્ચામાં આવ્યો છે.
આજે બપોરે 3:20 PM ક્વોલિફિકેશન ગ્રુપ બીની મેચ શરુ થશે, ભારત માટે ગોલ્ડ મેડલની આશા નીરજ ચોપરા પર છે. તેમજ નીરજ ચોપરા પર પોતાના ખિતાબને બચાવવા માટે ભારતીય રમતના ઈતિહાસમાં નવો અધ્યાય જોડવાનો પ્રયત્ન કરશે,
નીરજ ચોપરા ઈજાને કારણે ઓલિમ્પિક પહેલા અનેક ઈવેન્ટમાં ભાગ લઈ શક્યો ન હતો. તેમ છતાં તે ઓલિમ્પિકમાં ગોલ્ડ મેડલ માટે પ્રબળ દાવેદાર માનવામાં આવી રહ્યો છે. જો નીરજ ચોપરા 8 ઓગસ્ટના દિવસે ગોલ્ડ મેડલ જીતશે તો ભાલા ફેંકમાં પોતાનો ખિતાબનો બચાવ કરનાર દુનિયાનો પાંચમો અને 2 ગોલ્ડ મેડલ જીતનાર પહેલો ભારતીય ખેલાડી બનશે.
ભારતમાં પેરિસ ઓલિમ્પિક 2024માં નીરજ ચોપરાની મેચ તમે સ્પોર્ટસ 18ની ચેનલ પર પ્રસારિત કરવામાં આવશે. જો તમે નીરજ ચોપરાની મેચ ઓનલાઈન લાઈવ સ્ટ્રીમિંગ જોવા માંગો છો તો તમે મફતમાં પણ નીરજ ચોપરાની મેચ જોઈ શકો છો, તેના માટે તમે જિઓ સિનેમા એપ પર મફતમાં જોવા મળશે.
નીરજ 6 ઓગસ્ટના રોજ પરફોર્મ કરતો જોવા મળશે. ગ્રુપ Aની ક્વોલિફિકેશન ઇવેન્ટ બપોરે 1:50 વાગ્યે શરૂ થશે. જ્યારે, ગ્રુપ B ઇવેન્ટ આજે બપોરે 3.20 વાગ્યે શરૂ થશે.