Sell Stake: વોડાફોને આ કંપનીમાંથી બહાર નીકળવાની કરી જાહેરાત, હવે 8 રૂપિયાના સ્ટોક પર રહેશે ફોકસ
વોડાફોન લોનની ચૂકવણી કર્યા પછી બાકીની રકમનો ઉપયોગ તેના ભારતીય વોડાફોન આઈડિયાના લેણાંની ચુકવણી માટે કરશે. બુધવારે BSE પર આ કંપનીના શેર 358.75 રૂપિયા પર બંધ થયા હતા.
બ્રિટિશ ટેલિકોમ કંપની વોડાફોન 10.1 મિલિયન યુએસ ડોલર (લગભગ રૂ. 856 કરોડ)ની લોન ચૂકવવા માટે આ કંપનીમાં તેનો ત્રણ ટકા હિસ્સો વેચશે. વોડાફોન લોનની ચૂકવણી કર્યા પછી બાકીની રકમનો ઉપયોગ તેના ભારતીય સાહસ વોડાફોન આઈડિયાના લેણાંની ચુકવણી માટે કરશે.
બુધવારે BSE પર ઇન્ડસ ટાવર્સના શેર રૂ. 358.75 પર બંધ થયા હતા. તેના આધારે આ ડીલની કિંમત લગભગ 2,841 કરોડ રૂપિયા છે. આ સમાચાર વોડાફોન આઈડિયાના શેર ખરીદનારા રોકાણકારોને સકારાત્મક સંકેત આપી રહ્યા છે. રોકાણકારો કંપનીના શેર પર નજર રાખશે.
વોડાફોને શેરબજારમાં ફાઇલિંગમાં જણાવ્યું કે વોડાફોન ગ્રુપ પીએલસીએ જાહેરાત કરી છે કે તેણે ઇન્ડસ ટાવર્સ લિમિટેડમાં તેના બાકીના 7.92 કરોડ શેર ઓફર કર્યા છે, જે ઇન્ડસની કુલ શેર મૂડીના ત્રણ ટકા છે. જૂનમાં, વોડાફોને ઇન્ડસ ટાવર્સનો 18 ટકા હિસ્સો આશરે રૂ. 15,300 કરોડમાં વેચ્યો હતો.
યુકેની ટેલિકોમ કંપનીએ જણાવ્યું હતું કે ઓફરમાંથી મળેલી રકમનો ઉપયોગ સૌપ્રથમ વોડાફોનના હાલના ધિરાણકર્તાઓને US$101 મિલિયન ચૂકવવા માટે કરવામાં આવશે, જે વોડાફોનની ભારતીય સંપત્તિઓ દ્વારા સુરક્ષિત છે.
કંપનીએ એમ પણ કહ્યું હતું કે બાકીની રકમનો ઉપયોગ Vi દ્વારા ઇન્ડસને બાકી રકમ ચૂકવવા માટે કરવામાં આવશે.
આ સમાચાર વચ્ચે બુધવારે વોડાફોન આઈડિયાના શેરમાં તોફાની ઉછાળો જોવા મળ્યો હતો. સપ્તાહના ત્રીજા ટ્રેડિંગ દિવસે શેર રૂ.8.41 પર બંધ થયો હતો. શેરમાં એક દિવસ અગાઉની સરખામણીમાં 2.44%નો વધારો જોવા મળ્યો હતો.
ઈન્ડસ ટાવર્સના શેરની કિંમત રૂ. 358.75 પર પહોંચી ગઈ હતી. શેર એક દિવસ અગાઉની સરખામણીએ 1.46% વધુ વધીને બંધ થયો હતો.
દેણામાં દબાયેલી ટેલિકોમ કંપની વોડાફોન આઈડિયાની ખોટ સપ્ટેમ્બરમાં પૂરા થયેલા ચાલુ નાણાકીય વર્ષના બીજા ક્વાર્ટરમાં ઘટીને રૂ. 7,175.9 કરોડ થઈ ગઈ છે.
તેનું મુખ્ય કારણ જુલાઈમાં ટેરિફ દરોમાં વધારા પછી ગ્રાહક દીઠ સરેરાશ કમાણી (ARPU)માં વધારો છે. ગયા નાણાકીય વર્ષના સમાન ક્વાર્ટરમાં કંપનીની ખોટ રૂ. 8,746.6 કરોડ હતી.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.