મોટો ઝટકો: 345 ગણો સબસ્ક્રાઇબ થયો હતો આ IPO, SEBIએ રોકી દીધું લિસ્ટિંગ, જાણો
રોકાણકારોની ચિંતાઓને પગલે BSEએ તેના SME પ્લેટફોર્મ પર આ IPOનું લિસ્ટિંગ મુલતવી રાખ્યું હતું. આના લગભગ એક મહિના બાદ સેબીનો નિર્ણય આવ્યો છે. કંપની સામે ફરિયાદ મળી હતી કે તે કથિત રીતે ખોટા દાવા કરીને બનાવટી કંપનીઓ દ્વારા IPOની આવકનો ગેરઉપયોગ કરવા માંગે છે.
IPO માર્કેટમાં ભારે હલચલ જોવા મળી રહી છે. સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) એ SME કંપની Trafficsol ITS Technologies Limited દ્વારા IPO દસ્તાવેજોમાં કરવામાં આવેલા ખુલાસા અંગે વિગતવાર તપાસ કરવાનો નિર્ણય લીધો છે. આ સાથે, સેબીએ BSEને કંપનીના શેરના લિસ્ટિંગ તરફ આગળ ન વધવાનો નિર્દેશ આપ્યો હતો.
માર્કેટ રેગ્યુલેટરે, તેના વચગાળાના આદેશમાં, BSEને ખાતરી કરવા જણાવ્યું હતું કે IPOમાંથી મળેલી આવકને વ્યાજ ધરાવતા વિશેષ ખાતામાં રાખવામાં આવે અને આગળની સૂચના સુધી ટ્રાફિકસોલ અથવા તેના સહયોગીઓને ફંડ આપવામાં ન આવે. સેબીની તપાસ 30 દિવસમાં પૂરી કરવામાં આવશે.
તમને જણાવી દઈએ કે રોકાણકારોની ચિંતાઓને પગલે BSE એ તેના SME પ્લેટફોર્મ પર Trafficsol ITS Technologiesનું લિસ્ટિંગ મુલતવી રાખ્યું હતું. આના લગભગ એક મહિના બાદ સેબીનો નિર્ણય આવ્યો છે.
TrafficSol ITS Technologiesનો રૂ. 45 કરોડનો IPO 345 કરતા વધુ વખત સબસ્ક્રાઇબ થયો હતો. તમને જણાવી દઈએ કે IPOમાં ₹64.10 લાખ શેરનો નવો ઈશ્યૂ પ્રસ્તાવિત કરવામાં આવ્યા હતા, જેની પ્રાઇસ બેન્ડ ₹66 થી ₹70 પ્રતિ શેર હતી. કંપની સામે ફરિયાદ મળી હતી કે તે કથિત રીતે ખોટા દાવા કરીને બનાવટી કંપનીઓ દ્વારા IPOની આવકનો ગેરઉપયોગ કરવા માંગે છે.
તાજેતરના સમયમાં આ પહેલું ઉદાહરણ છે જ્યારે કોઈ સ્ટોક એક્સચેન્જે IPOની સફળતાપૂર્વક પૂર્ણતા પછી SME કંપનીના લિસ્ટિંગની પ્રક્રિયા મુલતવી રાખી હોય.
કંપની, જે વર્ષ 2018 માં અસ્તિત્વમાં આવી હતી, TrafficSol ઈંટેલિજેંટ ટ્રાંસપોટેશન સિસ્ટમ અને ઓટોમેશન સોલ્યુશન્સમાં નિષ્ણાત છે, જે સોફ્ટવેર ડેવલપમેન્ટ, કન્સલ્ટન્સી અને ડિલિવરી જેવી સેવાઓ પ્રદાન કરે છે.
કંપનીએ પાછલા વર્ષની સરખામણીએ FY24માં 80% આવક વૃદ્ધિ અને કર પછીના નફામાં 153% વધારો નોંધાવ્યો હતો.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.