Gujarati Company IPO: ગ્રે માર્કેટમાં 191 રૂપિયાનો નફો આપી રહ્યો છે અમદાવાદની આ કંપનીનો IPO, 550 રૂપિયા પર થશે લિસ્ટિંગ !
આ અમદાવાદની કંપનીનો IPO માટે ઈશ્યુ પ્રાઇસ શેર દીઠ 372-391 રૂપિયા છે. જ્યારે, ગ્રે માર્કેટ પ્રીમિયમ 191 છે. જ્યારે 20 ડિસેમ્બરના રોજ શુક્રવારના રોજ 150ના પ્રીમિયમ કરતાં 41 રૂપિયા વધુ છે. આ સંદર્ભમાં શેરનું અંદાજિત લિસ્ટિંગ 550 રૂપિયાને પાર થવાની ધારણા છે.
સેનોરસ ફાર્માસ્યુટિકલ્સ લિમિટેડનો IPO શુક્રવારે રોકાણના પ્રથમ દિવસે 1.78 વખત સબસ્ક્રાઇબ થયો હતો. NSE ડેટા અનુસાર, વેચાણ માટે ઓફર કરાયેલા 85,34,681 શેરની સામે IPOને 1,51,51,550 શેર માટે અરજી મળી હતી.
રિટેલ વ્યક્તિગત રોકાણકારો (RIIs)નો હિસ્સો 7.19 ગણો સબસ્ક્રાઇબ થયો હતો, જ્યારે બિન-સંસ્થાકીય રોકાણકારોનો હિસ્સો 1.67 ગણો સબસ્ક્રાઇબ થયો હતો. ક્વોલિફાઇડ ઇન્સ્ટિટ્યૂશનલ બાયર્સ (QIBs) ના હિસ્સાએ એક ટકા સબસ્ક્રિપ્શન મેળવ્યું છે.
સેનોરેસ ફાર્માનો રૂ. 582 કરોડનો IPO 24 ડિસેમ્બરે બંધ થશે. તમને જણાવી દઈએ કે અમદાવાદ સ્થિત કંપનીનો IPO એ રૂ. 500 કરોડના નવા શેરના ઇશ્યુ અને પ્રમોટર્સ અથવા અન્ય વેચાણ શેરધારકો દ્વારા રૂ. 82.11 કરોડની કિંમતના 21 લાખ શેરની ઓફર ફોર સેલ (OFS)નું સંયોજન છે.
તમને જણાવી દઈએ કે સેનોરેસ ફાર્માસ્યુટિકલ્સ લિમિટેડે એન્કર (મોટા) રોકાણકારો પાસેથી લગભગ રૂ. 261 કરોડ એકત્ર કર્યા છે.
અમદાવાદ સ્થિત સેનોર્સ ફાર્માસ્યુટિકલ્સે 30 સપ્ટેમ્બર, 2024 સુધીમાં એન્ટિબાયોટિક્સ અને એન્ટિ-ફંગલ ટ્રીટમેન્ટ સહિત મુખ્ય ઉપચારાત્મક વિસ્તારોમાં 55 પ્રોડક્ટ્સ લોન્ચ કરી છે. કંપનીએ ભારતના ઘણા રાજ્યોમાં દુકાનદારો અને હોસ્પિટલો સાથે ભાગીદારી કરી છે.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
