એક જ ખેલાડી તોડશે ’11 રેકોર્ડ’… અંગ્રેજોના ગઢમાં ઘૂસીને રોહિત શર્મા રચશે ‘નવી ગાથા’, ઇંગ્લેન્ડ ટીમમાં ‘ડરનો માહોલ’
ટી-20 સિરીઝની હાર બાદ હવે ભારતીય ટીમે ઇંગ્લેન્ડ સામેની વન-ડે સિરીઝમાં શાનદાર વાપસી કરી છે. બર્મિંગહામના એજબેસ્ટન ખાતે રમાનારી પ્રથમ મેચમાં ભારતીય ટીમે શાનદાર જીત મેળવી. ઇંગ્લેન્ડની ધરતી પર પોતાની આ છેલ્લી વન-ડે સિરીઝમાં રોહિત શર્મા પાસે બેટિંગથી ધમાકો કરવાની સાથે એક-બે નહીં પણ પૂરા 11 રેકોર્ડ બનાવવાની સુવર્ણ તક છે.
ભારત અને ઇંગ્લેન્ડ વચ્ચે વન-ડે સિરીઝની પ્રથમ મેચ બર્મિંગહામના એજબેસ્ટન ખાતે રમાઈ હતી, જેમાં ભારતીય ટીમે જીત મેળવી હતી. ટી-20 સિરીઝમાં મળેલી હાર બાદ ભારતીય ટીમ વન-ડેમાં શાનદાર પ્રદર્શન કરી રહી છે. વન-ડે સિરીઝમાં હવે લોકોની નજર કોહલી અને રોહિત પર જ રહેવાની છે.
વિરાટ કોહલી અને રોહિત શર્મા રમવાના હોવાથી આ સિરીઝ ખૂબ જ મહત્વપૂર્ણ છે. જણાવી દઈએ કે, આ વન-ડે સિરીઝમાં રોહિત શર્મા પાસે 11 મોટા રેકોર્ડ બનાવવાની તક હશે. હિટમેન માટે ઇંગ્લેન્ડમાં આ છેલ્લી સિરીઝ છે. આવી સ્થિતિમાં ચાહકો આશા રાખી રહ્યા છે કે, રોહિત વન-ડે સિરીઝમાં પોતાની બેટિંગથી ધમાકો કરે અને ટીમ ઇન્ડિયાને જીત અપાવવામાં સફળ રહે.
રેકોર્ડની વાત કરીએ તો, ભારતીય ઓપનર તરીકે 'સૌથી વધુ સદી' નો રેકોર્ડ બનાવવા માટે 1 સદીની જરૂર છે. બીજું કે, 39 વર્ષની ઉંમરે વન-ડે સદી ફટકારનાર 'પ્રથમ ભારતીય ખેલાડી' બનવા માટે 1 સદીની જરૂર છે. વધુમાં ઇંગ્લેન્ડ સામે કોઈ 'ભારતીય' દ્વારા સૌથી વધુ ઇન્ટરનેશનલ સદીનો રેકોર્ડ બનાવવાની જરૂર છે.
ટીમની જીતમાં ઓપનર તરીકે 'સૌથી વધુ રન' બનાવવા માટે 49 રનની જરૂર છે. 'ઇંગ્લેન્ડ સામે કોઈ ભારતીય ઓપનર દ્વારા સૌથી વધુ વન-ડે રન' બનાવવા માટે 178 રનની જરૂર છે. આ સિવાય '12,000 વન-ડે રન' પૂરા કરવા માટે 80 રનની જરૂર છે. 'SENA દેશો સામે 9,000 રન બનાવનાર એકમાત્ર એશિયન ઓપનર' બનવા માટે 69 રનની જરૂર છે.
'ઇંગ્લેન્ડ સામે કોઈ ભારતીય દ્વારા સૌથી વધુ સિક્સર' ફટકારવા માટે 1 સિક્સરની જરૂર છે. 'ઇન્ટરનેશનલ ક્રિકેટમાં SENA દેશો સામે સૌથી વધુ સિક્સર' ફટકારનાર ખેલાડી બનવા માટે 3 સિક્સરની જરૂર છે. સાથે જ 'ઇંગ્લેન્ડમાં વન-ડે મેચમાં કોઈ વિદેશી ખેલાડી દ્વારા સૌથી વધુ સિક્સર' ફટકારવા માટે 8 સિક્સરની જરૂર છે.
Published On - 3:09 pm, Tue, 14 July 26
