Surat Richest People : સુરતના સૌથી અમીર બિઝનેસમેન કોણ, હીરા થી લઈ રિન્યુએબલ એનર્જી સુધીના કારોબાર, જાણો નામ
ઉદ્યોગ, વેપાર અને ઉદ્યમશીલતાનું હબ ગણાતું સુરત આજે દેશના સૌથી સમૃદ્ધ બિઝનેસમેન માટે ઓળખાય છે. હીરા, કેમિકલ, ફાઇનાન્સ અને ગ્રીન એનર્જી ક્ષેત્રમાં કાર્યરત સુરતના ઉદ્યોગપતિઓએ શહેરને વૈશ્વિક નકશા પર મજબૂત સ્થાન અપાવ્યું છે.
સુરત શહેર ઉદ્યોગ, વેપાર અને ઉદ્યમશીલતાનું મોટું કેન્દ્ર માનવામાં આવે છે. હીરા ઉદ્યોગથી લઈને નવીનીકરણીય ઊર્જા અને કેમિકલ્સ સુધી, અહીંના ઘણા ઉદ્યોગપતિઓએ દેશ અને વિદેશમાં પોતાની અલગ ઓળખ ઉભી કરી છે. તાજેતરના વેલ્થ લિસ્ટ અને ઉદ્યોગ આંકડાઓ અનુસાર, સુરતના કેટલાક ઉદ્યોગપતિઓ આજે શહેરના સૌથી સમૃદ્ધ વ્યાવસાયિકોમાં ગણાય છે.
ફારુક પટેલ, કેપી ગ્રુપના ચેરમેન, સુરતના અગ્રણી અને સમૃદ્ધ ઉદ્યોગપતિઓમાં સ્થાન ધરાવે છે. નવીનીકરણીય ઊર્જા, ઇન્ફ્રાસ્ટ્રક્ચર અને પાવર પ્રોજેક્ટ્સમાં તેમના ગ્રુપે નોંધપાત્ર રોકાણ કર્યું છે. ગ્રીન એનર્જી ક્ષેત્રમાં કેપી ગ્રુપે કરેલા વિકાસને કારણે ફારુક પટેલનું નામ માત્ર સુરતમાં નહીં પરંતુ રાષ્ટ્રીય સ્તરે પણ ઓળખાયું છે.
અશ્વિનભાઈ દેસાઈ એથર ઇન્ડસ્ટ્રીઝના સ્થાપક છે, જે સ્પેશિયલિટી કેમિકલ્સ ક્ષેત્રમાં અગ્રણી કંપની ગણાય છે. ફાર્માસ્યુટિકલ અને કેમિકલ ઉદ્યોગ માટે જરૂરી ઉચ્ચ ગુણવત્તાવાળા ઉત્પાદનોના ઉત્પાદન દ્વારા એથર ઇન્ડસ્ટ્રીઝે વૈશ્વિક બજારમાં પોતાનું સ્થાન મજબૂત બનાવ્યું છે. અશ્વિનભાઈ દેસાઈની વ્યાવસાયિક દૃષ્ટિએ સુરતને કેમિકલ ઉદ્યોગમાં નવી ઓળખ આપી છે.
નીરજ ચોક્સી એનજે ઇન્ડિયા ઇન્વેસ્ટમેન્ટ્સ સાથે સંકળાયેલા જાણીતા ઉદ્યોગપતિ છે. ફાઇનાન્સ, મ્યુચ્યુઅલ ફંડ અને વેલ્થ મેનેજમેન્ટ ક્ષેત્રમાં તેમની કંપનીએ લાખો રોકાણકારોનો વિશ્વાસ જીત્યો છે. વિવિધ ક્ષેત્રોમાં કરેલા વ્યાપારિક વિસ્તરણને કારણે નીરજ ચોક્સી સુરતના પ્રભાવશાળી અને સમૃદ્ધ બિઝનેસમેન તરીકે ઓળખાય છે.
ગોવિંદભાઈ ધોળકિયા શ્રી રામકૃષ્ણ એક્સપોર્ટ્સના સ્થાપક છે, જે સુરત આધારિત વિશ્વની અગ્રણી હીરા નિકાસ કંપનીઓમાંની એક છે. હીરા ઉદ્યોગમાં તેમની મહેનત, કર્મચારીઓ પ્રત્યેની સંવેદનશીલતા અને સામાજિક કાર્ય માટે તેઓ ખાસ જાણીતા છે. સુરતને વૈશ્વિક હીરા ઉદ્યોગનું કેન્દ્ર બનાવવામાં તેમનો મહત્વનો ફાળો રહ્યો છે.
બાબુભાઈ લખાણી કિરણ જેમ્સના ડિરેક્ટર છે, જે કુદરતી પોલિશ્ડ હીરા ઉત્પાદનમાં અગ્રણી કંપની ગણાય છે. સુરતના હીરા ઉદ્યોગમાં કિરણ જેમ્સનું વિશેષ સ્થાન છે અને તેની વૈશ્વિક હાજરી પણ મજબૂત છે. આવા ઉદ્યોગપતિઓના કારણે સુરત આજે માત્ર ગુજરાતમાં નહીં પરંતુ સમગ્ર દેશમાં એક સમૃદ્ધ અને શક્તિશાળી બિઝનેસ હબ તરીકે ઓળખાય છે. આ સિવાય પણ સુરતમાં અનેક એવા ઉધ્યોગપતિ છે. જે ખૂબ અમીર છે.
