Breaking News : જલ્દી આવશે મુકેશ અંબાણીના Jioનો સૌથી મોટો IPO, કંપનીની AGM માં લેવાશે મોટો નિર્ણય
રિલાયન્સ ઇન્ડસ્ટ્રીઝની આગામી AGMમાં જિયો પ્લેટફોર્મ્સના IPO અંગે મોટો અપડેટ સંભવ છે. કંપની ₹33,000 કરોડ એકત્ર કરવાની તૈયારીમાં છે, જેમાં 'ફ્રેશ ઇશ્યૂ'ની શક્યતા વધુ છે.
રિલાયન્સ ઇન્ડસ્ટ્રીઝની આગામી વાર્ષિક સામાન્ય સભા (AGM)માં જિયો પ્લેટફોર્મ્સના બહુચર્ચિત IPO અંગે મોટો અપડેટ સામે આવી શકે છે. અહેવાલો મુજબ, કંપની આશરે 4 બિલિયન ડોલર એટલે કે લગભગ ₹33,000 કરોડ એકત્ર કરવાની તૈયારીમાં છે. IPOના માળખામાં પણ મહત્વપૂર્ણ ફેરફાર થઈ શકે તેવી ચર્ચા છે.
Vahh Chemicals IPO : વાહ કેમિકલ્સ SME IPO 4 જૂને ખુલ્યો હતો અને 8 જૂને બંધ થશે. શેરની કિંમત ₹60 પર નિશ્ચિત છે, જેમાં 2,000 શેરનો લોટ સાઇઝ છે. તેનો GMP હાલમાં ₹11 છે, અને તે અત્યાર સુધીમાં 6.48 વખત સબસ્ક્રાઇબ થયો છે.(ફોટો ક્રેડિટ-Google)
Genxai Analytics IPO : Genxai Analytics SME IPO 5 જૂને ખુલ્યો હતો અને 9 જૂને બંધ થવાનો છે. શેર માટે પ્રાઇસ બેન્ડ ₹110–₹116 છે. દરમિયાન, આ IPO માટે લોટ સાઇઝ 2,400 શેર છે. તેનો GMP હાલમાં ₹3 છે, અને IPO અત્યાર સુધીમાં 0.60 વખત સબસ્ક્રાઇબ થયો છે.(ફોટો ક્રેડિટ-Google)
Reliance Industriesના FY26 વાર્ષિક અહેવાલ મુજબ, જિયો પ્લેટફોર્મ્સે ભારતના ડિજિટલ ઇકોસિસ્ટમમાં પોતાની સ્થિતિ વધુ મજબૂત બનાવી છે. 5G સેવાઓનો ઝડપી સ્વીકાર, ARPUમાં વધારો અને બ્રોડબેન્ડ સેવાઓની વધતી માંગના કારણે કંપનીના વ્યવસાયમાં મજબૂતી જોવા મળી છે. કંપનીએ જણાવ્યું છે કે જિયો હવે માત્ર ટેલિકોમ કંપની નથી રહી, પરંતુ વૈશ્વિક ટેક્નોલોજી લીડર બનવાના માર્ગ પર આગળ વધી રહી છે. કંપની કનેક્ટિવિટી, આર્ટિફિશિયલ ઇન્ટેલિજન્સ, ક્લાઉડ અને અન્ય ડિજિટલ સેવાઓમાં સતત વિસ્તરણ કરી રહી છે.
FY26ના ચોથા ક્વાર્ટરમાં જિયો પ્લેટફોર્મ્સની ઓપરેટિંગ આવકમાં 13 ટકાનો વધારો નોંધાયો હતો અને તે ₹44,928 કરોડ સુધી પહોંચી હતી. કંપનીનો નફો પણ 13 ટકા વધીને ₹7,935 કરોડ રહ્યો. Jio ના ARPU એટલે કે પ્રતિ વપરાશકર્તા સરેરાશ આવક વધીને ₹214 થઈ ગઈ છે. જ્યારે પ્રતિ ગ્રાહક દર મહિને સરેરાશ 42.3 GB ડેટાનો ઉપયોગ નોંધાયો હતો. કંપનીનો કુલ ડેટા ટ્રાફિક વર્ષ દરમિયાન લગભગ 35 ટકા વધ્યો હોવાનું પણ અહેવાલમાં જણાવાયું છે.
