Rathyatra 2024: દિલ્હી ચકલા પહોંચ્યો ભગવાન જગન્નાથનો રથ, થોડીવારમાં પહોંચશે નીજ મંદિર- જુઓ તસવીરો
Narendra Rathod | Edited By: Mina Pandya
Jul 07, 2024 | 7:49 PM
અમદાવાદમાં ભગવાન જગન્નાથજીની 147મી રથયાત્રા ચાલી રહી છે. હાલ ભગવાનનો રથ દિલ્હી ચકલા પહોંચ્યો છે, જ્યાં ભક્તોએ ઉમળકાભેર રથનું સ્વાગત કર્યુ હતું. જગતના નાથના રથને ખેંચવાની આનંદ ખલાસીબંધુઓના ચહેરા પર જોઈ શકાય છે. સવારના સાત વાગ્યાથી શરૂ થયેલી રથયાત્રાને આ ખલાસીબંધુઓ સતત ખેંચી રહ્યા છે છતા તેમના ચહેરા પર એજ ઉત્સાહ જોવા મળી રહ્યો છે.
અમદાવાદમાં નીકળેલી ભગવાન જગન્નાથજીની રથયાત્રા દિલ્હી ચકલા પહોંચી ત્યારની આ તસવીર છે. જ્યા ભક્તોએ ઉમળકાભેર રથનું સ્વાગત કર્યુ હતુ અને જગતના નાથના ઓવારણા લીધા હતા.
147 વર્ષોથી ચાલી આવતી પરંપરા મુજબ ભગવાન જગન્નાથ જ્યારે નગર ચર્યાએ નીકળે છે ત્યારે ખલાસીબંધુઓ જ આ રથને ખેંચતા હોય છે. આ ખલાસીઓ ખૂબ જ ઉત્સાહ સાથે જગતના નાથના રથને ખેંચે છે. 16 કિલોમીટરની આ સમગ્ર યાત્રા દરમિયાન ક્યાંય પણ રથને ખેંચતા ખલાસીબંધુઓના ચહેરા પર થાક જોવા મળતો નથી.
ભગવાન જગન્નાથની રથયાત્રાને લઈને અમદાવાદના માર્ગો ચિક્કાર માનવમહેરામણથી ભરેલા જોવા મળ્યા.
ભગવાનની જગન્નાથની રથયાત્રા જે- જે માર્ગો પરથી પસાર થઈ ત્યાં ભક્તિમય માહોલ જોવા મળ્યો. જય રણછોડના નાદથી તમામ માર્ગો ગૂંજી ઉઠ્યા હતા.
ભગવાનની રથયાત્રા સાથે ખલાસીઓનો અનેરો નાતો છે. ખલાસીઓને ભગવાનના સેવકો કહેવામાં આવે છે અને વર્ષોની પરંપરા મુજબ તેઓ ઉત્સાહભેર રથયાત્રામાં સહભાગી થતા હોય છે.
Published On - 7:42 pm, Sun, 7 July 24