Rashmika Vijay Wedding માં જોવા મળ્યુ સાઉથ ઇન્ડિયન હેરિટેજ, 300 દિવસમાં તૈયાર થયેલ સોનાની જ્વેલરીએ જીત્યા લોકોના દિલ
26 ફેબ્રુઆરી 2026ના રોજ ઉદયપુરમાં યોજાયેલી Rashmika Mandanna અને Vijay Deverakonda ના લગ્ન માત્ર તસવીરો માટે નહીં, પરંતુ તેમની શાહી જ્વેલરી માટે પણ ચર્ચામાં છે. હૈદરાબાદના એક જાણીતા જ્વેલરી બ્રાન્ડે ખુલાસો કર્યો કે આ ભવ્ય જ્વેલરી તૈયાર કરવા પૂરા 10 મહિના લાગ્યા હતા.
26 ફેબ્રુઆરી 2026ના રોજ Udaipurમાં થયેલી Rashmika Mandanna અને Vijay Deverakondaની રોયલ વેડિંગ હાલમાં દેશભરમાં ચર્ચાનો વિષય બની છે.
બંને સ્ટાર્સે અલગ-અલગ પરંપરાઓ અનુસાર વિધિપૂર્વક લગ્ન કર્યા હતા, જેના ફોટોઝ સોશિયલ મીડિયા પર વાયરલ થયા હતા. લોકો તેમના પરંપરાગત વસ્ત્રો અને રોયલ અંદાજથી ખૂબ પ્રભાવિત થયા હતા.
પરંતુ આ વેડિંગમાં જે વસ્તુએ સૌથી વધુ ધ્યાન ખેંચ્યું, તે હતી તેમની ભવ્ય સોનાની જ્વેલરી. દુલ્હન તરીકે રશ્મિકાએ પહેરેલા જ્વેલરીમાં પરંપરાગત સાઉથ ઇન્ડિયન ડિઝાઇનનો અદભુત સમન્વય જોવા મળ્યો હતો.
ખાસ કરીને દીપ નક્ષી (Nakshi) અને રવા (Rava) કારીગરી સાથે તૈયાર કરાયેલા હાર, વાડલા, કમરપટ્ટો અને કાનના દાંડા તેમની શાહી લુકને વધુ નિખારતા હતા. એન્ટિક મેટ ફિનિશના કારણે દરેક પીસમાં વારસાગત શાન અને રોયલ આભા દેખાતી હતી.
હૈદરાબાદ સ્થિત જાણીતા જ્વેલરી બ્રાન્ડે મીડિયા સાથે વાતચીતમાં જણાવ્યું કે આ સંપૂર્ણ કલેકશન તૈયાર કરવા લગભગ 300 દિવસ લાગ્યા હતા. દરેક ડિઝાઇન પહેલાં કાગળ પર સ્કેચ કરવામાં આવી, પછી તેને કસ્ટમાઇઝ કરી અને અંતે નિષ્ણાત કારીગરોની ટીમે મહેનતથી તેને સ્વરૂપ આપ્યું.
આ ખાસ વેડિંગની બીજી અનોખી બાબત એ હતી કે માત્ર રશ્મિકા જ નહીં, પરંતુ વિજય દેવરકોન્ડાએ પણ જ્વેલરી ધારણ કર્યા હતા. તેમના માટે ખાસ રાજાશાહી થીમ પર ડિઝાઇન તૈયાર કરવામાં આવી હતી, જે શક્તિ અને પરંપરાનો પ્રતિનિધિત્વ કરતી હતી.
માહિતી મુજબ, રશ્મિકા માટે કુલ 11 વિશેષ પીસ તૈયાર કરવામાં આવ્યા હતા અને બંનેની જ્વેલરીનું વજન કિલોના નાપે હતું.
આ વેડિંગએ ફેશન અને બ્રાઇડલ જ્વેલરી ઇન્ડસ્ટ્રીમાં નવો ટ્રેન્ડ સેટ કર્યો છે.
Rashmika-Vijayની આ રોયલ વેડિંગ માત્ર એક સમારોહ નહોતી, પરંતુ પરંપરા, કલા અને વૈભવનું અદ્ભુત પ્રદર્શન બની રહી છે, જેને લાંબા સમય સુધી યાદ રાખવામાં આવશે.
Published On - 10:34 am, Sat, 28 February 26
