વાયબ્રન્ટ ગુજરાત સમિટ 2024ને લઈને ગાંધીનગર શહેરમાં આવેલા મહાત્મા મંદિર ખાતે તડામાર તૈયારીઓ શરૂ કરી દેવામાં આવી છે. અમદાવાદ શહેરમાં વાયબ્રન્ટ સમિટને ધ્યાનમાં રાખીને વાયબ્રન્ટ સમિટ 2024ની થીમ વાળા કટ આઉટ્સ શહેરના સ્થળોએ મૂકવામાં આવ્યા છે.
ઓરેન્જ ગ્રીન અને બ્લુ કલરનો ઉપયોગ કરીને આ કટ આઉટ્સ બનાવવામાં આવ્યા છે, જેમાં 10th વાયબ્રન્ટ ગુજરાત "ગેટવે ટુ ધ ફ્યુચર" થીમ દર્શાવતા કટ આઉટ્સ બનાવવામાં આવ્યા છે.
આ કટ આઉટ અમદાવાદ સરદાર વલ્લભભાઈ પટેલ એરપોર્ટ, ગુજ સેઈલ, સરદાર નગરમાં એરપોર્ટ સર્કલ ઉપર મૂકવામાં આવ્યા છે.
મુખ્યપ્રધાનના કાર્યાલય જે સ્વર્ણીમ સંકુલ તરીકે ઓળખાય છે, ત્યાં પણ આ કટ આઉટસ મુકવામાં આવ્યા છે.
આ ઉપરાંત અમદાવાદ શહેરમાં સુભાષ બ્રિજ સર્કલ, અખબાર નગર કીટલી સર્કલ, અટલ ફૂટવેર બ્રિજ પાસે પણ આ કટ આઉટ્સ મૂકવામાં આવ્યા છે.
શાહીબાગ ડફનાળા પાસે પાસે રિવરફ્રન્ટ રોડ ઉપર યુનિક ડિઝાઈનનું ગેટવે ટુ ધ ફ્યુચરની થીમ વાળું કટ આઉટ મુકવામાં આવ્યું છે.