રશિયા-યુક્રેન યુદ્ધ પર પુતિન સાથે PM મોદીએ કરી વાત, સમસ્યાનો શાંતિપૂર્ણ ઉકેલ લાવવો જોઈએ
વડા પ્રધાન નરેન્દ્ર મોદી બ્રિક્સ સમિટમાં ભાગ લેવા માટે રશિયાના શહેર કઝાન પહોંચ્યા છે. કઝાન પહોંચતા જ પીએમ મોદીનું ઉષ્માભર્યું સ્વાગત કરવામાં આવ્યું હતું. આવતીકાલ 23 અને 24 ઓક્ટોબરે કઝાનમાં BRICS સમિટનું આયોજન કરવામાં આવ્યું છે. શિખર સંમેલન દરમિયાન પીએમ મોદી અને રાષ્ટ્રપતિ વ્લાદિમીર પુતિન વચ્ચે દ્વિપક્ષીય વાતચીત પણ યોજાઈ હતી.
રશિયાના રાષ્ટ્રપતિ વ્લાદિમીર પુતિન અને પીએમ મોદી વચ્ચે દ્વિપક્ષીય વાતચીત થઈ હતી. દ્વિપક્ષીય બેઠકમાં પીએમ મોદીએ કહ્યું કે, કઝાન સાથે ભારતના ઐતિહાસિક સંબંધો છે. કાઝાન આવવું એ એક લહાવો છે. ત્રણ મહિનામાં બે વાર રશિયા આવવું એ અમારા ગાઢ સંબંધો દર્શાવે છે.
રશિયા-યુક્રેન યુદ્ધ પર બોલતા પીએમએ કહ્યું, હું રશિયા-યુક્રેન સંઘર્ષના મુદ્દા પર સતત તમારા સંપર્કમાં છું. મેં અગાઉ કહ્યું છે તેમ અમે માનીએ છીએ કે સમસ્યાઓનો શાંતિપૂર્ણ ઉકેલ લાવવો જોઈએ. અમે શાંતિ અને સ્થિરતાની પુનઃસ્થાપનને સમર્થન આપીએ છીએ. અમારા પ્રયાસો માનવતાને પ્રાથમિકતા આપે છે. ભારત આવનારા સમયમાં દરેક સંભવિત સહયોગ માટે તૈયાર છે.
વડાપ્રધાન મોદી અને રાષ્ટ્રપતિ પુતિન વચ્ચેની મુલાકાત દરમિયાન જ્યારે રાષ્ટ્રપતિ પુતિને કહ્યું કે અમારા સંબંધો એટલા ગાઢ છે કે મારી વાત સમજવા માટે તમારે અનુવાદની પણ જરૂર નથી. આના પર પીએમ મોદી ખુલીને હસતા જોવા મળ્યા હતા.
દ્વિપક્ષીય બેઠકમાં રાષ્ટ્રપતિ વ્લાદિમીર પુતિને કહ્યું, આંતર સરકારી આયોગની આગામી બેઠક 12 ડિસેમ્બરે દિલ્હીમાં યોજાવાની છે. અમારા પ્રોજેક્ટ્સ સતત વિકસિત થઈ રહ્યા છે. કાઝાનમાં કોન્સ્યુલેટ ખોલવાના તમારા નિર્ણયને અમે આવકારીએ છીએ. અમારા સહયોગથી ભારતની નીતિઓથી ફાયદો થશે. અમે ખૂબ જ ખુશ છીએ કે તમે અને તમારું પ્રતિનિધિમંડળ રશિયા આવ્યા.
પીએમ મોદીએ કહ્યું કે બ્રિક્સના અધ્યક્ષપદ માટે અભિનંદન. બ્રિક્સે 15 વર્ષમાં એક અલગ ઓળખ બનાવી છે. ઘણા દેશો તેમાં જોડાવા માંગે છે. હું આવતીકાલે બ્રિક્સ સમિટમાં ભાગ લેવા આતુર છું.
વડાપ્રધાન નરેન્દ્ર મોદી બ્રિક્સ સમિટમાં ભાગ લેવા માટે રશિયાના શહેર કઝાન પહોંચ્યા છે. કઝાન પહોંચતા પીએમ મોદીનું ઉષ્માભર્યું સ્વાગત કરવામાં આવ્યું હતું. રશિયાના નાગરિકોએ તેમના સન્માનમાં કૃષ્ણના ગીતો ગાયા. આ સાથે ભારતીય નૃત્ય રજૂ કરવામાં આવ્યું હતું. ભારતીય પ્રવાસીઓ પણ પીએમ મોદીને મળ્યા હતા.
રશિયા પહોંચીને પીએમ મોદીએ ભારતીયો સાથે મુલાકાત કરી હતી. દરેક જગ્યાએ લોકોના હાથમાં ત્રિરંગો જોવા મળ્યો હતો. પીએમ મોદીની એક ઝલક જોવા માટે લોકો ઉત્સાહિત જોવા મળ્યા હતા. PM એ ઘણા લોકો સાથે હાથ મિલાવ્યા. તેમણે બાળકોને આશીર્વાદ આપ્યા હતા. ઘણા લોકો સાથે ફોટોગ્રાફ પણ લીધા.