Paytm પેમેન્ટ્સ બેંક સામેની કાર્યવાહીમાં કોઈ બાંધછોડ નહીં થાય, RBI એ પિક્ચર કર્યું ક્લિયર
સોમવારે, RBI ગવર્નર શક્તિકાંત દાસે Paytmને લઈ કહ્યું કે Paytm પેમેન્ટ્સ બેંક (PPBL) સામે લેવામાં આવેલી કાર્યવાહીની સમીક્ષા કરવાનો ભાગ્યે જ કોઈ અવકાશ છે. આમ કહીને તેણે રાહત અંગેની તમામ અટકળો પર પૂર્ણવિરામ મૂકી દીધું છે.
શક્તિકાંત દાસે ભારપૂર્વક જણાવ્યું હતું કે નિયમનકાર નાણાકીય તકનીક (ફિનટેક) ક્ષેત્રને સમર્થન આપે છે, અને ગ્રાહકોના હિતોનું રક્ષણ કરતી વખતે નાણાકીય સ્થિરતા સુનિશ્ચિત કરવા માટે પ્રતિબદ્ધ છે. એવી અપેક્ષા રાખવામાં આવે છે કે મધ્યસ્થ બેંક પેટીએમ મુદ્દા પર ટૂંક સમયમાં FAQ (વારંવાર પૂછાતા પ્રશ્નો) જારી કરશે. પેટીએમ પેમેન્ટ્સ બેંક સામે મોટી કાર્યવાહી કરીને, RBIએ તેને 29 ફેબ્રુઆરી પછી કોઈપણ ગ્રાહક ખાતા, વોલેટ, ફાસ્ટેગ અને અન્ય સાધનોમાં થાપણો સ્વીકારવા અથવા ટોપ-અપ કરવાથી અટકાવી દીધી હતી.
મહત્વનું છે કે, સોમવારે Paytmની પેરેન્ટ કંપની One97 કોમ્યુનિકેશનના શેરમાં થોડો વધારો જોવા મળ્યો હતો. બજાર બંધ થયા બાદ કંપનીનો શેર રૂ.2.75ના ઉછાળા સાથે રૂ.422.60 પર બંધ થયો હતો. જોકે આજે સવારે કંપનીના શેર રૂ.428.75ના ભાવે ખૂલ્યા હતા.
ટ્રેડિંગ સેશન દરમિયાન કંપનીના શેર પણ રૂ. 436ની દિવસની સર્વોચ્ચ સપાટીએ પહોંચ્યા હતા. 20 ઓક્ટોબર, 2023ના રોજ કંપનીના શેર રૂ. 998.30ના રેકોર્ડ સ્તરે પહોંચ્યા હતા. ત્યારથી, કંપનીના શેર રેકોર્ડ ઊંચાઈથી 58 ટકા ઘટ્યા છે.
Published On - 8:10 pm, Mon, 12 February 24
