ભાડાનું ગણિત… Ola, Uber, Rapido કે Bharat Cabs ? મુસાફરી માટે ‘સૌથી સસ્તો’ વિકલ્પ કયો?
અમદાવાદમાં મુસાફરી કરતા લોકો માટે ભાડાની બચત કરવી હવે સરળ બની છે. ખાસ કરીને TV9 ગુજરાતી ઓફિસથી જૂના વાડજ જવા માટે અલગ-અલગ એપ્સના ભાડામાં મોટો તફાવત જોવા મળે છે. જણાવી દઈએ કે, આ ભાડું પિક અવર્સ (4:00 To 4:30) મુજબનું છે.
ભારત કેબ્સ પર TV9 ગુજરાતી ઓફિસથી જૂના વાડજનું અંતર 3.9 કિમી બતાવે છે અને ત્યાં પહોંચવામાં 11 મિનિટ જેટલો સમય લાગે છે. અહીં ઓટોનું ભાડું સૌથી ઓછું એટલે કે માત્ર ₹57 છે. આ ઉપરાંત AC મીની માટે ₹110 અને સેડાન કાર માટે ₹150 ભાડું છે.
રેપિડો એપ પર આ જ રૂટ માટે બાઇકનું ભાડું ₹61 બતાવે છે. જો તમે ઓટો પસંદ કરો છો, તો તેનું ભાડું ₹132 છે. કેબ માટે અહીં બે વિકલ્પ (કેબ ઈકોનોમી-₹188 અને કેબ પ્રીમિયમ-₹270) છે.
ઉબેર પર TV9 ગુજરાતીથી જૂના વાડજ જવા માટે ઓટોનું ભાડું ₹121.86 છે. બાઇક રાઇડ માટે ₹82 અને ઉબેર ગો (કાર) માટે ₹159.94 ભાડું નિર્ધારિત કરવામાં આવ્યું છે.
ઓલા એપમાં જૂના વાડજ BRTS સુધી જવા માટે ઓટોનું ભાડું ₹134 બતાવે છે. બાઇક માટે અહીં ₹80 ચાર્જ લેવામાં આવે છે અને મીની કારનું ભાડું ₹149 થી શરૂ થાય છે.
ભાડાની તુલના કરતા ખબર પડે છે કે, Bharat Cabs માં ઓટોનું ભાડું (₹57) સૌથી સસ્તું છે. બાઇક સવારી માટે Rapido (₹61) શ્રેષ્ઠ વિકલ્પ છે. જો તમારે કારમાં જવું હોય તો Bharat AC Mini (₹110) એક બેસ્ટ વિકલ્પ રહેશે.
Published On - 4:36 pm, Tue, 17 February 26
