Breaking News: ગઈ ભેંસ પાણીમાં… 21 નવેમ્બરને રોજ Nifty માં આ કારણસર આવી શકે છે ‘ભારે કડાકો’
ભારતીય શેરબજારમાં ફરી એકવાર ચિંતાના વાદળો ઘેરાયા છે અને રોકાણકારો માટે મોટી આફતના સંકેત મળી રહ્યા છે. નિફ્ટી 23,000 નું મહત્વનું સ્તર તોડીને નીચે સરકી ગયો છે. એવામાં 21 નવેમ્બરના રોજ બજારમાં 'ભારે કડાકો' આવશે, તેવી પૂરેપૂરી શક્યતા સેવાઈ રહી છે.
બ્રેન્ટ ક્રૂડ (Brent Crude) નો ભાવ 111 ને પાર પહોંચી ગયો છે, જેની સીધી અસર બુધવારે 21 નવેમ્બરને રોજ નિફ્ટી (Nifty) પર જોવા મળી શકે છે.
ઈરાન યુદ્ધ શરૂ થયા બાદ માર્ચથી મે મહિના વચ્ચે બ્રેન્ટ ક્રૂડ ઓઈલનો રેટ 113.735 ડોલર પ્રતિ બેરલ સુધી પહોંચી ગયો હતો. ત્યારબાદ તેમાં ઘટાડો આવ્યો અને તે ઘટીને લગભગ 72 ડોલર સુધી નીચે આવી ગયો હતો.
જો કે, છેલ્લા 3-4 અઠવાડિયાથી તેમાં ફરીથી તેજી આવી છે અને હવે તે માર્ચ-મે મહિનાવાળા સ્તરને તોડવાની તૈયારીમાં છે. બ્રેન્ટ ક્રૂડ ઓઈલમાં 1.67 ટકાના ઉછાળા સાથે 111.39 ડોલર પ્રતિ બેરલ પર પહોંચી ગયો છે અને તે પોતાના છેલ્લા 4 વર્ષના હાઈ લેવલ 113.735 ની એકદમ નજીક છે.
બ્રેન્ટ ક્રૂડ ઓઈલનો ઓલ ટાઈમ હાઈ (All Time High) ભાવ 131 ડોલરની આસપાસ છે, જે યુક્રેન યુદ્ધ શરૂ થવાના સમયે પહોંચ્યો હતો. PSP સ્વીટ ઈન્ડિકેટર (PSP Suite Indicator) મુજબ, બ્રેન્ટ ક્રૂડ ઓઈલમાં બુલ રન (બુલિશ ટ્રેન્ડ) ચાલી રહ્યો છે અને હવે તે ફિબોનાચી (Fibonacci) નિયમ અનુસાર 114.986 USD ના સ્તર સુધી પહોંચી શકે છે.
બુધવારના રોજ 21 નવેમ્બરને ટ્રેડિંગ સેશનમાં બજાજ ફાઇનાન્સ (Bajaj Finance), એલએન્ડટી ટેકનોલોજી સર્વિસીસ (L&T Technology Services), હિન્દુસ્તાન ઝિંક (Hindustan Zinc), ઇરેડા (IREDA), પીરામલ ફાઇનાન્સ (Piramal Finance) અને શોભા (Sobha) સહિત અનેક કંપનીઓના પરિણામો પર પ્રતિક્રિયા જોવા મળી શકે છે.
આ સિવાય ઇટરનલ (Eternal), કેઇઆઇ ઇન્ડસ્ટ્રીઝ (KEI Industries), એમએન્ડએમ ફાઇનાન્સ (M&M Finance), મહિન્દ્રા હોલિડેઝ (Mahindra Holidays), એસઆરએફ (SRF), વિશાલ મેગા માર્ટ (Vishal Mega Mart), ઇન્ડિયન હોટેલ્સ (Indian Hotels) અને આદિત્ય બિરલા સન લાઇફ એએમસી (Aditya Birla Sun Life AMC) જેવી કંપનીઓ પણ પાછલા ક્વાર્ટરના પરિણામો જાહેર કરશે.
માર્કેટ એક્સપર્ટના અનુસાર, નિફ્ટીના એકવાર ફરી 23,000 ના સ્તરથી નીચે સરક્યા બાદ બજારનું ધ્યાન હવે ઉપરના સ્તરોને બદલે નીચલા સપોર્ટ સ્તરો પર કેન્દ્રિત થઈ ગયું છે. તેજીની આશા રાખી રહેલા વેપારીઓ ઈચ્છશે કે, નિફ્ટી 22,800 ના સ્તરને જાળવી રાખે. જો આ સ્તર તૂટે છે, તો ઇન્ડેક્સના 22,700 થી 22,650 ની રેન્જ તરફ સરકવાની આશંકા વધી શકે છે.
