નવી જોબ મળી ગઈ? હવે આ એક કામ તાત્કાલિક ધોરણે કરી દો, ઇગ્નોર કરશો તો આની અસર PF પર પડશે
કરિયરમાં ઘણીવાર આપણે નોકરી બદલીએ છીએ. એવામાં જ્યારે આપણે જોબ ચેન્જ કરીએ છીએ, ત્યારે EPFO એકાઉન્ટને લઈને એક નાનકડી ભૂલ કરી બેસીએ છીએ.
EPF એકાઉન્ટને મર્જ કરવા માટે, તમારો UAN નંબર એક્ટિવેટ કરવો ખૂબ જ જરૂરી છે. જો તમને તમારો UAN નંબર ખબર નથી, તો તમે EPFO વેબસાઇટ પર જઈને તે શોધી શકો છો. આ માટે હોમપેજની જમણી બાજુએ તમને Important Links માં Know your UAN નો ઓપ્શન જોવા મળશે.
તમે તેના પર ક્લિક કરો અને તમારો મોબાઇલ નંબર તેમજ કેપ્ચા દાખલ કરો. આ પછી Request OTP પર ક્લિક કરો. OTP થકી વેરિફિકેશન પૂર્ણ થયા પછી એક પેજ ખુલશે. આમાં તમારે નામ, જન્મ તારીખ, આધાર/PAN/મેમ્બર ID અને કેપ્ચા જેવી વિગતો દાખલ કરવી પડશે. ત્યારબાદ Show My UAN નંબર પર ક્લિક કરો. હવે તમને તમારું UAN દેખાશે.
તમારા બે કરતાં વધુ EPF એકાઉન્ટને મર્જ કરવા માટે તમારે પહેલા EPFO ની સત્તાવાર વેબસાઇટ https://www.epfindia.gov.in/ ની મુલાકાત લેવી પડશે. આટલું કર્યા બાદ સર્વિસ વિભાગમાં જાઓ. હવે "For Employees" પર ક્લિક કરો અને જુઓ ત્યાં એક નવું પેજ ખુલશે. અહીં તમારે "One Employee – One EPF Account" ઓપ્શન પસંદ કરવાનો રહેશે.
આ પછી જે પેજ ખૂલ્યું છે, તેમાં તમારે તમારો UAN, પાસવર્ડ અને કેપ્ચા નાખીને લોગ ઇન કરવું પડશે. લોગ ઇન કર્યા બાદ એક નવું પેજ ખુલશે, જેમાં તમને તમારા જૂના EPF એકાઉન્ટની વિગતો દેખાશે. હવે તમારો EPF એકાઉન્ટ નંબર દાખલ કરો અને સબમિટ પર ક્લિક કરો. આનાથી EPF એકાઉન્ટ મર્જરની પ્રોસેસ પૂરી થશે. તમારા એકાઉન્ટ મર્જરની એપ્લિકેશન તમારા વર્તમાન એમ્પ્લોયર દ્વારા મંજૂર કરવામાં આવશે. ત્યારબાદ EPFO તમારા જૂના એકાઉન્ટને નવા એકાઉન્ટ સાથે મર્જ કરશે. આ પ્રોસેસ પૂરી કર્યા પછી તમે EPFO વેબસાઇટની મુલાકાત લઈને તેનું સ્ટેટસ ચકાસી શકો છો.
ધ્યાન રાખો કે, PF એકાઉન્ટ તાત્કાલિક મર્જર થતું નથી. તેમાં સમય લાગે છે, કારણ કે આમાં વર્તમાન એમ્પ્લોયર અને અગાઉના એમ્પ્લોયરની મંજૂરી જરૂરી છે. જો તમે PF એકાઉન્ટ મર્જર પ્રોસેસ પૂર્ણ કરી લીધી હોય, તો તમે https://unifiedportal-mem.epfindia.gov.in/memberinterface/ પર સ્ટેટસ ચકાસી શકો છો. આ માટે ઓનલાઈન સર્વિસ સેક્શનમાં જાઓ અને ટ્રેક ક્લેમ પર ક્લિક કરો. તમને રિક્વેસ્ટનું સ્ટેટસ દેખાઈ જશે.
તમારું જૂનું PF એકાઉન્ટ Deactivate થઈ જાય પછી તમારે PF ખાતામાંથી તમારા એક્ટિવ એકાઉન્ટમાં ફંડ ટ્રાન્સફર કરવા માટે ફોર્મ 13 ઑફલાઇન ભરવાની જરૂર પડશે. તમે EPFO વેબસાઇટ પરથી ફોર્મ 13 ડાઉનલોડ કરી શકો છો. આ ફોર્મમાં તમારા વર્તમાન અને અગાઉના બંને એમ્પ્લોયરની માહિતીની જરૂર પડશે. તમારે વેરિફિકેશન માટે તેમના સિગ્નેચરની પણ જરૂર પડશે. અ પછી તમારે ફોર્મ તમારા વર્તમાન એમ્પ્લોયરને સબમિટ કરવાનું રહેશે. દરેક કંપની પાસે PF ની બાબતોને સંભાળવા માટે એક ડેસ્ક અથવા ટીમ હોય છે. તમારે ત્યાં ફોર્મ સબમિટ કરવાની જરૂર પડશે.
