મુકેશ અંબાણીની આ કંપનીનો 22 રૂપિયાનો શેર ખરીદવા રોકાણકારોની લાગી લાઇન, જાણો તેના વિશે
હેથવે કેબલ એન્ડ ડેટાકોમના શેર 7% થી વધીને 22.84 પર પહોંચી ગયા હતા. ટ્રેડિંગના અંતે શેરનો ભાવ 22.02 હતો. શેર એક દિવસ અગાઉની સરખામણીમાં 4.26% વધીને બંધ થયો હતો.
ક્વાર્ટર દરમિયાન કેબલ ટેલિવિઝન સેગમેન્ટમાંથી કંપનીની આવક 330.62 કરોડ હતી, જ્યારે બ્રોડબેન્ડ બિઝનેસ 153.85 કરોડ અને સિક્યોરિટીઝના વ્યવહારોમાંથી આવક 8.90 કરોડ હતી. અમે તમને જણાવી દઈએ કે હેથવે કેબલ એન્ડ ડેટાકોમ ભારતમાં સૌથી મોટા મલ્ટીપલ-સિસ્ટમ ઓપરેટર અને કેબલ બ્રોડબેન્ડ સર્વિસ પ્રોવાઈડરમાંથી એક છે.
માર્ચ ક્વાર્ટર સુધી શેરહોલ્ડિંગ પેટર્ન વિશે વાત કરીએ તો, હેથવે કેબલ એન્ડ ડેટાકોમમાં પ્રમોટરનો હિસ્સો 75 ટકા હતો. જો આપણે પબ્લિક શેરહોલ્ડિંગની વાત કરીએ તો તે 25 ટકા છે. હેથવે કેબલ અને ડેટાકોમના પ્રમોટર્સમાં રિલાયન્સ ઇન્ડસ્ટ્રીઝના અનેક સાહસોનો સમાવેશ થાય છે. તેમાં Jio કન્ટેન્ટ ડિસ્ટ્રિબ્યુશન હોલ્ડિંગ પ્રાઇવેટ લિમિટેડ, Jio ઇન્ટરનેટ ડિસ્ટ્રિબ્યુશન હોલ્ડિંગ પ્રાઇવેટ લિમિટેડ અને Jio કેબલ અને બ્રોડબેન્ડ હોલ્ડિંગનો સમાવેશ થાય છે. (નોંધ: અહીં આપવામાં આવેલી માહિતી ફક્ત આપની જાણકારી માટે છે. કોઈ પણ રોકાણ નિષ્ણાતોની સલાહ લીધા બાદ કરવુ)
