24 વર્ષની ઉંમર 12 લક્ઝરી કારના માલિક ડિજિટલ સ્ટારનો આવો છે પરિવાર
બિગ બોસ 19 રિયાલિટી શો દિવસેને દિવસે રસપ્રદ બની રહ્યો છે, અને આ વખતે મૃદુલ તિવારી પણ ઘરમાં એન્ટ્રી કરી છે. ચાલો જાણીએ કોણ છે મૃદુલ તિવારી તેમજ તેની પર્સનલ લાઈફ વિશે વાત કરીએ.
આ સોશિયલ મીડિયા સ્ટારનું નામ મૃદુલ તિવારી છે. મૃદુલ તિવારીની ઉંમર માત્ર 24 વર્ષની છે. 2024માં, મૃદુલને ઇન્ફ્લુએન્સર ઇમ્પેક્ટ એવોર્ડ્સમાં બેસ્ટ કન્ટેન્ટ ક્રિએટરનો એવોર્ડ મળ્યો હતો
7 માર્ચ 2011ના રોજ ઇટાવામાં જન્મેલા મૃદુલ તિવારીએ મેરઠ યુનિવર્સિટીમાં અભ્યાસ કર્યો હતો. તેમના પિતા રાઘવેન્દ્ર તિવારી અને માતા શશી તિવારી છે.
મૃદુલને બે બહેનો પણ છે, મનીષા શર્મા અને પ્રગતિ તિવારી, જે વારંવાર વ્લોગમાં પણ દેખાય છે.બંન્ને વીડિયોમાં પણ તેના ભાઈને ખૂબ સપોર્ટ કરી રહી છે. બિગ બોસમાં વોટ માટે પણ ખુબ મહેનત કરી રહી છે.
મૃદુલે નોકરી કે વ્યવસાય દ્વારા નહીં, પરંતુ સોશિયલ મીડિયા દ્વારા ખ્યાતિ મેળવી હતી. તેમની યુટ્યુબ સફર 2018 માં શરૂ થઈ હતી.આજે કરોડો રુપિયાનો માલિક છે.
2018ના વર્ષ મૃદુલના જીવનમાં એક મોટો વળાંક હતો. તેણે યુટ્યુબ પર શોર્ટ અને રમુજી વિડિયો પોસ્ટ કરવાનું શરૂ કર્યું. આ વિડિયોમાંથી તેમણે મોટું નામ કમાયું છે. જેમાં તેણે શાળા જીવનની રમૂજી ઝલક રજૂ કરી હતી, તે અચાનક વાયરલ થઈ ગયો. લાખો લોકોએ આ વિડિઓને પસંદ કર્યો, અને મૃદુલની ચેનલ થોડા મહિનામાં જ ખૂબ જ લોકપ્રિય થઈ ગઈ.
માત્ર પાંચ વર્ષમાં, મૃદુલે યુટ્યુબ પર 19 મિલિયન સબ્સ્ક્રાઇબર્સ બનાવ્યા છે. કોઈપણ ભારતીય સોશિયલ મીડિયા સ્ટાર માટે આ એક મહત્વપૂર્ણ સિદ્ધિ છે. તેમના સૌથી લોકપ્રિય વિડિયો એવા છે જે ભારતીય પરિવાર, મિત્રતા, સંબંધો અને રોજિંદા જીવનને રમૂજી રીતે રજૂ કરે છે.
રિપોર્ટ અનુસાર મૃદુલ તિવારીની કુલ સંપત્તિ લગભગ 61 કરોડ રૂપિયા હોવાનું કહેવાય છે.આ સાથે, તે દર મહિને લાખો રૂપિયા કમાય છે.આ વાતની ટીવી 9 પુષ્ટિ કરતું નથી. બિગ બોસમાં સ્પર્ધક તરીકે પણ મોટો ચાર્જ લઈ રહ્યો છે.
નાની ઉંમરે, મૃદુલ તિવારી પાસે ફક્ત એક કે બે નહીં, પરંતુ 12 થી વધુ લક્ઝરી કાર છે.
તેમની પહેલી કાર મારુતિ સ્વિફ્ટ હતી. પરંતુ આજે, તેમના ગેરેજમાં ઓડી, મર્સિડીઝ અને BMW સહિત ઘણી મોટી બ્રાન્ડની કાર છે.
