કાનુની સવાલ : લગ્નની ભેટમાં મળેલા સોના અને રોકડ પર કોનો અધિકાર છે ? વર કે કન્યાનો, જાણો
કેરળ હાઈકોર્ટે એક મહત્વના નિર્ણયમાં કહ્યું કે, લગ્નમાં મહિલાઓને ગિફ્ટમાં મળેલું સોનું તેની વ્યક્તિગત સંપત્તિ (સ્ત્રીધન) છે.જેને છૂટાછેડા બાદ પતિ દ્વારા પરત કરવું જરુરી છે. કોર્ટે એમ પણ કહ્યું કે, આવા કિસ્સાઓમાં કડક કાનૂની પુરાવાની અપેક્ષા રાખી શકાતી નથી અને સંભાવનાના આધારે ન્યાય આપવો પડશે.
બાદમાં જ્યારે પતિએ 5 લાખ રૂપિયા માંગ્યા, ત્યારે બંને વચ્ચે ઝઘડો થયો અને જ્યારે છૂટાછેડા થયા, ત્યારે સાસરિયાઓએ મહિલાને સોનું અને રોકડ આપવાનો ઇનકાર કર્યો. આ પછી, જ્યારે મામલો નીચલી કોર્ટમાં પહોંચ્યો, ત્યારે જિલ્લા કોર્ટે પણ સાસરિયાઓના પક્ષમાં ચુકાદો આપ્યો.
ત્યારબાદ મહિલાએ કેરળ હાઈકોર્ટના દરવાજા ખટખટાવ્યા અને સુનાવણી દરમિયાન મહિલાએ કોર્ટમાં એફડી સાથે જોડાયેલા દસ્તાવેજો રજુ કર્યા અને સાબિત કર્યું કે, સોનું તેના માતા-પિતાએ ખરીદ્યું હતુ. જેના પર કોર્ટે સાસરિયા પક્ષને આદેશ આપ્યો કે, તે સોનું કે પછી તેની હાલની બજાર કીંમત મહિલાને રોકર્ડના રુપમાં આપે.
આ દરમિયાન સબંધી પાસેથી ગિફ્ટમાં મળેલું સોનાનું પ્રુફ નથી તો હાઈકોર્ટે સબુતો સિવાય માંગેલી વસ્તુઓને રદ્દ કરી હતી. જે મહિલાને મળશે નહી.રિપોર્ટ અનુસાર કોર્ટે આ મામલે સુનાવણી દરમિયાન એક ટિપ્પણી કરતા કહ્યું કે, લગ્નમાં મહિલાઓને મળેલી વસ્તુઓ કે ઘરેણા અને અનૌપચારિક લેવડ-દેવડ થાય છે. જેનું કાગળ પર કોઈ સાક્ષી હોતું નથી.
આવી સ્થિતિમાં, અદાલતોએ સંભાવનાના આધારે પોતાનો ચુકાદો આપવો જોઈએ અને ફોજદારી કેસોની જેમ કઠોર પુરાવાની માંગ ન કરવી જોઈએ. કોર્ટે એમ પણ કહ્યું કે ઘરેલુ હિંસા, દહેજ ઉત્પીડન અથવા છૂટાછેડાના કિસ્સાઓમાં, મહિલાઓ માટે તેમના ઘરેણાં પાછા મેળવવા ખૂબ જ મુશ્કેલ બની જાય છે અને આ સમસ્યા વધુ જટિલ બની જાય છે.
(Disclaimer: જો તમારી પાસે કોઈ ચોક્કસ કેસ હોય તો કાનૂની નિષ્ણાત (વકીલ) ની સલાહ લેવી સલાહભર્યું છે. અહીં આપેલી માહિતી ફક્ત કોર્ટના નિર્ણયો અને કલમોને આધારે આપવામાં આવી છે. તમારે કોઈ કેસ માટે જાણવું હોય તો યોગ્ય વકીલની સલાહ લઈ શકો છો.)(All Image Symbolic)
