કાનુની સવાલ: ફ્રેન્ડ સર્કલમાંથી કોઈ તમને દારુ કે ડ્રગ્સનો નશો કરવા માટે દબાણ કરે છે? તો તરત આ સ્ટેપ કરો ફોલો
કાનુની સવાલ: કોઈની પાર્ટીમાં કે કોઈ ઈવેન્ટમાં જાવ છો તો કોઈ તમને ત્યા નશા માટે દબાણ કરે છે? તો તેને ના પાડતા શીખો. કાયદો તમારી ફેવરમાં રહેશે. કેમ કે તમારી સલામતી અને તમારી પસંદ સૌથી મહત્વપૂર્ણ છે.
વિશ્વસનીય મિત્ર અથવા પરિવારને જાણ કરો: જો તમે કોઈ પાર્ટીમાં હો અને તમને અસહજતા થાય તો તમારા વિશ્વસનીય મિત્રને મેસેજ કરો અથવા કોલ કરો. તેમને જણાવો કે તમને મદદની જરૂર છે. કેટલાક કિસ્સામાં મિત્રો અથવા પરિવાર તમને તરત પરિસ્થિતિમાંથી બહાર કાઢી શકે છે.
કાયદા શું કહે છે?: ભારતમાં કોઈને દારૂ કે ડ્રગ્સ લેવા મજબૂર કરવું કાયદેસર ગુના સમાન છે. Indian Penal Codeની કલમ 336, 337 અને 339 હેઠળ કોઈ વ્યક્તિને નુકસાનકારક પદાર્થ લેવા માટે દબાણ કરવું દંડનીય છે. જો કોઈ બળજબરી કરે ધમકી આપે અથવા કોઈ પણ રીતે હેરાન કરે તો તે ક્રિમિનલ ઇન્ટિમિડેશન (IPC 506) ગણાય છે. ડ્રગ્સ માટે દબાણ કરવું NDPS Act હેઠળ ગંભીર ગુનો છે. આ પરિસ્થિતિમાં તમે પોલીસમાં ફરિયાદ કરી શકો છો. આજકાલ 100 અથવા 112 નંબર પર તરત મદદ મળે છે.
ઑનલાઇન અથવા સ્કૂલ/કોલેજ હેલ્પલાઇનનો ઉપયોગ કરો: ઘણા કોલેજોમાં એન્ટિ–ડ્રગ સેલ હોય છે. અહીં કોઈ તમને દબાણ કરે તો ફરિયાદ નોંધાવી શકો. તે ઉપરાંત અનેક ngo અને ઑનલાઇન હેલ્પલાઈન યુવાનોને કાઉન્સેલિંગ અને માર્ગદર્શન આપે છે.
Self-defense skills અને awareness જરૂરી છે: દબાણ ઘણી વાર તે સમયે થાય છે જ્યારે વ્યક્તિ એકલો હોય. તેથી સેલ્ફ ડિફેન્સની બેઝિક નોલેજ, તાકીદે મદદ બોલાવી શકવાની સમજ અને તમારા હકની જાણકારી તમને સુરક્ષિત રાખે છે.
