કાનુની સવાલ: ઉપરના માળે રહેતા લોકો પાસેથી મેઈનટેનન્સ ચાર્જ લઈ શકાય? જાણો બોમ્બે હાઈકોર્ટે શું કહ્યું
એક મહત્વપૂર્ણ ચુકાદામાં બોમ્બે હાઈકોર્ટે સ્પષ્ટતા કરી છે કે ઇમારતનો ટેરેસ સોસાયટીની મિલકત છે અને તેના સમારકામ માટે સોસાયટી જવાબદાર છે. કોર્ટે જણાવ્યું હતું કે આ ખર્ચ ઉપરના માળના રહેવાસીઓ પાસેથી વસૂલ કરી શકાતો નથી.
ઓથોરિટીના આદેશમાં કોઈ ખામી નથી. તેથી તેને સમર્થન આપવામાં આવે છે. અગાઉ જોઈન્ટ રજિસ્ટ્રાર દ્વારા પણ સોસાયટીને રાહત આપવાનો ઇનકાર કરવામાં આવ્યો હતો. સોસાયટીએ ઓથોરિટીના આદેશને હાઈકોર્ટમાં પડકાર્યો હતો.
'ટેરેસ સોસાયટીની મિલકત': જસ્ટિસ મિલિંદ જાધવે સ્પષ્ટતા કરી કે હાલનો કેસ સોસાયટી અને તેના સભ્યો વચ્ચેના વિવાદનો નથી, પરંતુ નિયમોના અમલીકરણનો છે. સોસાયટી બાય-લો નં. 160A હેઠળ, ટેરેસના આંતરિક સમારકામનો ખર્ચ ઉપરના માળના સભ્યો પાસેથી વસૂલ કરી શકાતો નથી, કારણ કે બિલ્ડિંગનો ટેરેસ સોસાયટીની મિલકત છે.
સહકારી વિભાગના રિવિઝનલ ઓથોરિટીએ આદેશ આપ્યો હતો કે જો સોસાયટીએ સભ્યો પાસેથી સમારકામ માટે ચાર્જ વસૂલ્યો હોય, તો તે તેમને પરત કરે. જસ્ટિસ જાધવે ઓથોરિટીના આદેશમાં દખલ કરવાનો ઇનકાર કર્યો હતો. તેમણે જણાવ્યું હતું કે જો સોસાયટીના સભ્યો, બહુમતી મત દ્વારા, ખાસ સામાન્ય સભામાં, સોસાયટી બાય-લો નં. 160A ની વિરુદ્ધ સમારકામ ભંડોળ એકત્રિત કરવાનો નિર્ણય લે છે તો આને મંજૂરી આપી શકાતી નથી.
(Disclaimer: જો તમારી પાસે કોઈ ચોક્કસ કેસ હોય તો કાનૂની નિષ્ણાત (વકીલ) ની સલાહ લેવી સલાહભર્યું છે. અહીં આપેલી માહિતી ફક્ત કોર્ટના નિર્ણયો અને કલમોને આધારે આપવામાં આવી છે. તમારે કોઈ કેસ માટે જાણવું હોય તો યોગ્ય વકીલની સલાહ લઈ શકો છો.)
