કાનુની સવાલ : શું લવ મેરેજ બાદ ઝઘડા વધી રહ્યા છે ? જાણો કાયદો શું કહે છે, તમારા હિતમાં પગલા લો
ભારતમાં છેલ્લા કેટલાક વર્ષોમાં લવ મેરેજની સંખ્યા વધી રહી છે. પણ પ્રેમથી શરૂ થયેલો સંબંધ ક્યારેક લગ્ન પછી તણાવ અને ઝઘડા સુધી પહોંચી જાય છે. આવી સ્થિતિમાં ઘણા દંપતિઓને ખબર નથી પડતી કે કાયદો શું કહે છે અને તેઓને કયા હક મળે છે. ચાલો જાણીએ કે જો લવ મેરેજ બાદ ઝઘડો વધે તો કાયદાકીય રીતે શું કરી શકાય.
છૂટાછેડા (Divorce) માટે કાનૂની માર્ગ: જો સમાધાનથી ઉકેલ ન આવે તો કોર્ટમાં છૂટાછેડા માટે અરજી કરી શકાય છે. હિંદુ લગ્ન અધિનિયમ 1955 મુજબ, બંને પક્ષોની સંમતિથી છૂટાછેડા (Mutual Divorce) અથવા એકતરફી છૂટાછેડા માટે કોર્ટમાં કેસ થઈ શકે છે. કારણ તરીકે ક્રૂરતા, ત્યાગ, વિશ્વાસઘાત અથવા મનની તકલીફ દર્શાવી શકાય છે.
પતિ માટે પણ કાનૂની હક: જો પતિ પર ખોટા આક્ષેપ થાય અથવા ઘરેલુ હિંસા અધિનિયમનો દુરૂપયોગ થાય, તો તે પણ કોર્ટમાં ન્યાય માગી શકે છે. ભારતીય દંડ સંહિતા હેઠળ ખોટી ફરિયાદ આપનાર સામે કાનૂની કાર્યવાહી થઈ શકે છે.
કાયદાનો ઉદ્દેશ શું છે?: કાયદાનો ઉદ્દેશ દંપતી વચ્ચે સમજૂતી લાવવાનો અને અન્યાયથી બચાવવાનો છે. લવ મેરેજ હોય કે અરેન્જ મેરેજ — બંનેમાં પતિ-પત્નીનો સમાન સન્માન અને હક મહત્વનો છે. લવ મેરેજ બાદ જો ઝઘડો વધે તો ભાવના કરતાં કાનૂન પર વિશ્વાસ રાખો. કાયદો સ્ત્રી અને પુરુષ બંનેને સમાન સુરક્ષા અને ન્યાય આપે છે. યોગ્ય માર્ગદર્શન, કાઉન્સેલિંગ અને કાનૂની સહાયથી લગ્નજીવનમાં ઉકેલ લાવી શકાય છે.
