Gold Rate : સોનું રોકેટની માફક ઉડવા લાગ્યું, ભાવમાં થયો ‘જંગી વધારો’; હવે 10 ગ્રામનો ભાવ શું ?
અમેરિકન રાષ્ટ્રપતિ ડોનાલ્ડ ટ્રમ્પ દ્વારા ભારતીય આયાત પર 50% ટેરિફ લાદવામાં આવ્યા બાદ સલામત રોકાણની માંગ વધી છે. એવામાં રોકાણકારો હવે સોના પર નજર રાખી રહ્યા છે.
એબાન્સ ફાઇનાન્શિયલ સર્વિસિસના સીઈઓ ચિંતન મહેતાએ જણાવ્યું હતું કે, અમેરિકા દ્વારા સ્વિટ્ઝર્લૅન્ડથી આયાત થતા એક કિલો અને 100 ઔંસ સોના પર 39 ટકા ડ્યુટી લાદવામાં આવ્યા બાદ સોનાના ભાવમાં વધારો થયો છે.
સરાફા એસોસિએશનના જણાવ્યા અનુસાર, શુક્રવારે ચાંદીના ભાવ પણ 1,000 રૂપિયા વધીને 1,15,000 રૂપિયા પ્રતિ કિલો થયા હતા. ગુરુવારે ચાંદીના ભાવ 1,14,000 રૂપિયા પ્રતિ કિલો પર બંધ થયા હતા. છેલ્લા પાંચ સત્રમાં ચાંદીના ભાવ 5,500 રૂપિયા પ્રતિ કિલો વધ્યા છે.
HDFC સિક્યોરિટીઝના સિનિયર એનાલિસ્ટ સૌમિલ ગાંધીના જણાવ્યા અનુસાર, સોનામાં વધારો 'વૈશ્વિક આર્થિક પરિસ્થિતિ' અંગેની ચિંતાને કારણે છે. ખાસ કરીને ગુરુવારે ડોનાલ્ડ ટ્રમ્પ દ્વારા નવા ટેરિફ લાદવામાં આવ્યા પછી આ ચિંતા વધી છે.
આ ઉપરાંત યુએસ મેક્રોઇકોનોમિક ડેટાએ અપેક્ષાઓ વધારી છે કે, ફેડરલ રિઝર્વ સપ્ટેમ્બરની શરૂઆતમાં વ્યાજ દરોમાં ઘટાડો કરી શકે છે. સ્પોટ ગોલ્ડ $3,388.56 પ્રતિ ઔંસ પર સ્થિર રહ્યું. ટ્રેડિંગ દરમિયાન, ન્યૂયોર્કમાં કિંમતી ધાતુ $104.02 વધીને $3,500.33 પ્રતિ ઔંસની રેકોર્ડ ઊંચી સપાટીએ પહોંચી ગઈ.
