JIo દુનિયામાં બની નંબર 1, મોબાઇલ ડેટાને લઇને બનાવ્યો આ રેકોર્ડ
Jioની ડિજિટલ સર્વિસે દેશમાં હોમ સર્વિસની સુવિધા પૂરી પાડી છે. ડિજિટલ હોમ સર્વિસના મામલે Jio વિશ્વની સૌથી મોટી કંપનીઓમાંની એક છે. Jio ત્રણ કરોડથી વધુ ઘરોમાં ડિજિટલ સેવાઓ પૂરી પાડે છે.
રિલાયન્સ ઈન્ડસ્ટ્રીઝના ચેરમેન મુકેશ અંબાણી રિલાયન્સ ઈન્ડસ્ટ્રીઝ લિ. (RIL) એ 47મી વાર્ષિક સામાન્ય સભામાં જણાવ્યું હતું કે ભારત વિશ્વનું સૌથી મોટું ઇન્ટરનેટ બજાર છે. આ માર્કેટમાં Jio તેના 49 કરોડ ગ્રાહકો સાથે વૈશ્વિક ઇન્ટરનેટ કંપની બની ગઈ છે.
Jio ગ્રાહકો દરરોજ સરેરાશ 30 GB કરતા વધુ ડેટાનો ઉપયોગ કરી રહ્યા છે. તેમણે કહ્યું કે ભારત હવે વિશ્વનું સૌથી મોટું ડેટા માર્કેટ બની ગયું છે. રિલાયન્સ જિયો માત્ર 8 વર્ષમાં વિશ્વની સૌથી મોટી મોબાઈલ ડેટા કંપની બની ગઈ છે.
સ્થિતિ એ છે કે વિશ્વનો 8 ટકા મોબાઈલ ડેટા એકલા Jioના નેટવર્ક પર ચાલે છે. જિયોએ વૈશ્વિક ટ્રાફિકમાં લગભગ 8 ટકા હિસ્સો હાંસલ કરીને વિશ્વની ઘણી ઇન્ટરનેટ કંપનીઓને પાછળ છોડી દીધી છે. તેમણે વધુમાં જણાવ્યું કે Jioની શરૂઆત થયાને માત્ર આઠ વર્ષ થયા છે અને આઠ વર્ષમાં Jio વિશ્વની સૌથી મોટી મોબાઈલ ડેટા કંપની બની ગઈ છે.
Jioની ડિજિટલ સર્વિસે દેશમાં હોમ સર્વિસની સુવિધા પૂરી પાડી છે. ડિજિટલ હોમ સર્વિસના મામલે Jio વિશ્વની સૌથી મોટી કંપનીઓમાંની એક છે. Jio ત્રણ કરોડથી વધુ ઘરોમાં ડિજિટલ સેવાઓ પૂરી પાડે છે.
Jio AirFiberનું લક્ષ્ય દર 30 દિવસે 10 લાખ ઘરોને જોડીને રેકોર્ડ 10 કરોડ ઘરો સુધી પહોંચવાનું છે. મુકેશ અંબાણીએ Jioની 5G અને 6G ટેક્નોલોજી વિશે પણ વાત કરી. તેમના જણાવ્યા અનુસાર, Jioએ 5G અને 6G ક્ષેત્રે 350 પેટન્ટ અરજીઓ દાખલ કરી છે.
મુકેશ અંબાણીએ તેમના 2G ગ્રાહકોને 4Gમાં કન્વર્ટ કરવા માટે તેમની સુવિધા અનુસાર પ્લાન લાવવાની વાત કરી હતી. તેમણે કહ્યું કે 5G ફોન સસ્તા થતાં લોકો તેની તરફ વધુ આકર્ષિત થશે. અને તેની માગ વધારે હશે.
તેવી જ રીતે 4G નેટવર્કની ક્ષમતામાં પણ સુધારો થશે. આ સાથે જિયો ભારતમાં 20 કરોડથી વધુ 2G ગ્રાહકોને તેના 4G પરિવારમાં સામેલ કરવાની સ્થિતિમાં હશે.
Published On - 8:36 am, Fri, 30 August 24