Iran War Impact : યુદ્ધની આગમાં સળગી રહ્યું છે તમારું બજેટ, શું તમે આ નવા આર્થિક ઝટકા માટે તૈયાર છો?
ઈરાન યુદ્ધ અને ગગડતા રૂપિયાએ તોડી સામાન્ય માણસની કમર! પેટ્રોલ, ગેસથી લઈને ડ્રાય ફ્રૂટ્સ સુધી બધું જ થયું મોંઘું. શું તમારી EMI પણ વધશે? જાણો
ઈરાન-યુદ્ધને કારણે કાચા તેલના પુરવઠામાં અવરોધ આવ્યો છે, જેનાથી ગભરાટ ફેલાયો છે. દિલ્હીમાં માત્ર 10 દિવસમાં જ ગેસ સિલિન્ડરના ભાવમાં 60 રૂપિયાનો તોતિંગ ઉછાળો આવ્યો છે.
ખાદ્ય તેલ મોંઘા થયા છે. ભારત ઈરાનથી ડ્રાય ફ્રૂટ્સ અને ફળોની આયાત કરે છે, તેથી હવે પિસ્તા અને બદામ જેવી વસ્તુઓમાં 20% સુધીના ભાવ વધારાની આશંકા છે.
સાબુ, શેમ્પૂ જેવા રોજિંદા ઉત્પાદનો મોંઘા થવાના છે. સાથે જ, એરલાઈન્સે ફ્યુઅલ સરચાર્જ તરીકે 400 થી 2,300 રૂપિયા સુધીનો વધારો ઝીંકી દીધો છે, જેથી હવાઈ મુસાફરી સામાન્ય માણસની પહોંચથી દૂર થઈ રહી છે.
રૂપિયો 95.40ના રેકોર્ડ નીચલા સ્તરે પહોંચ્યો છે. આનો અર્થ એ કે વિદેશથી આવતી દરેક વસ્તુ, ઈલેક્ટ્રોનિક્સ અને શિક્ષણ મોંઘા થશે, જેનાથી મોંઘવારીનો દર 10% સુધી પહોંચી શકે છે.
મોંઘવારી પર લગામ લગાવવા માટે RBI વ્યાજદરમાં 0.5% થી 1% સુધીનો વધારો કરી શકે છે. જો તમે હોમ, કાર કે પર્સનલ લોન લીધી હોય, તો તૈયાર રહેજો, તમારી EMI હવે વધવાની છે.
