Breaking News : IPL 2026 માં ધોનીના ચાહકોને મોટો ઝટકો, ફક્ત ત્રણ મેચ નહીં પરંતુ આટલી બધી મેચો માટે બહાર રહેશે થાલા..
IPL 2026 પહેલાં CSKને મોટો ઝટકો: MS ધોની પગની ઈજાને કારણે શરૂઆતની મેચોમાંથી બહાર. તે ત્રણ અઠવાડિયા અથવા છ મેચ સુધી ગેરહાજર રહી શકે છે, જે ટીમ માટે મોટી ચિંતા છે.
IPL 2026, MS Dhoni: ચેન્નાઈ સુપર કિંગ્સ (CSK) અને MS Dhoniના ચાહકો માટે IPL 2026 પહેલાં મોટો ઝટકો લાગ્યો છે. ટીમના આઇકોનિક ખેલાડી અને ભૂતપૂર્વ કેપ્ટન ધોની પગની ઇજાને કારણે ટુર્નામેન્ટની શરૂઆતની મેચોમાંથી બહાર થઈ ગયા છે. ફ્રેન્ચાઇઝ દ્વારા આપવામાં આવેલી સત્તાવાર માહિતી મુજબ, ધોની હાલ રિહેબિલિટેશનમાંથી પસાર થઈ રહ્યો છે અને શરૂઆતના બે અઠવાડિયા માટે ઉપલબ્ધ નહીં રહે.
આ અપડેટ અનુસાર શરૂઆતમાં માનવામાં આવતું હતું કે ધોની માત્ર ત્રણ મેચ સુધી બહાર રહેશે. પરંતુ તાજા મીડિયા અહેવાલો સૂચવે છે કે તેની ઈજામાંથી સંપૂર્ણપણે સાજા થવામાં વધુ સમય લાગી શકે છે. હવે શક્યતા છે કે તે ઓછામાં ઓછા ત્રણ અઠવાડિયા સુધી મેદાનથી દૂર રહે, જેનાથી તે એપ્રિલના અંત સુધી બહાર રહી શકે છે. જો આવું થાય, તો ધોની કુલ મળીને લગભગ છ મેચ સુધી ગેરહાજર રહી શકે છે.
અહેવાલો મુજબ, ધોની રાજસ્થાન રોયલ્સ સામેની પ્રથમ મેચ માટે ગુવાહાટી પહોંચ્યો નથી અને તે હાલમાં ચેન્નાઈમાં રહીને પોતાની ફિટનેસ પર કામ કરી રહ્યો છે. તેની ગેરહાજરી ટીમ માટે મોટી ચિંતાનો વિષય બની શકે છે, કારણ કે તેણે છેલ્લા ઘણા સીઝનમાં ટીમને મજબૂત નેતૃત્વ અને અનુભવો આપ્યો છે.
ખાસ વાત એ છે કે IPLના ઇતિહાસમાં આ પહેલી વાર એવું બનશે કે CSKની પ્લેઇંગ ઇલેવનમાં MS Dhoni અને Suresh Raina બંનેનો સમાવેશ નહીં થાય. છેલ્લા 16 સીઝનમાં આ બંનેમાંથી ઓછામાં ઓછો એક ખેલાડી હંમેશા ટીમનો ભાગ રહ્યો છે.
ધોનીની ગેરહાજરીમાં વિકેટકીપિંગની જવાબદારી હવે Sanju Samson સંભાળશે. CSKના CEO કાસી વિશ્વનાથન પહેલાથી જ સંકેત આપી ચૂક્યા છે કે આ સીઝનમાં ધોની તમામ મેચોમાં રમે તેવી શક્યતા ઓછી છે. તેથી, શરૂઆતના મેચોમાં ટીમ માટે સંજુ સેમસનની ભૂમિકા ખૂબ જ મહત્વપૂર્ણ બની રહેશે. (All Image - X)
