Stock Market: કંપની 1 લાખથી વધુ શેર બાયબેક કરશે; રોકાણકારોને થશે આટલો ફાયદો – તમારા પોર્ટફોલિયોમાં આ શેર છે કે નહી?
શેરબજારમાં ચાલી રહેલ ઉથલપાથલ વચ્ચે એક કંપની 1 લાખથી વધુ શેર બાયબેક કરવા જઈ રહી છે, જેના કારણે રોકાણકારોને નફો થવાની શક્યતા છે. જો તમારા પોર્ટફોલિયોમાં આ શેર છે, તો આ સમાચાર ખાસ તમારા માટે છે.
ટ્રેક્સન ટેક્નોલોજીસે પોસ્ટલ બેલેટ દ્વારા તેના શેરધારકો પાસેથી મંજૂરી લઈને પ્રતિ શેર રૂ. 70 ના ભાવે બાયબેકની પુષ્ટિ કરી છે. આ કિંમત કંપનીના પાછલા ટ્રેડિંગ દિવસના રૂ. 60.85 ના બંધ ભાવ કરતા લગભગ 16.6 ટકા વધારે છે. ટૂંકમાં શેરધારકોને બજાર ભાવ કરતા વધુ દરે શેર વેચવાની તક મળશે.
ટ્રેક્સન ટેક્નોલોજીસ કુલ 11,42,857 શેર બાયબેક કરશે, જે તેના કુલ જારી કરાયેલા શેરના 1.07 ટકાની આસપાસ છે. આ બાયબેક કંપનીઝ એક્ટ, 2013 અને સેબી બાયબેક રેગ્યુલેશન્સ, 2018 હેઠળ ટેન્ડર ઓફર દ્વારા કરવામાં આવશે.
કંપની આ બાયબેક પર કુલ રૂ. 7.99 કરોડ ખર્ચ કરશે, જે તેના નફા અને રિઝર્વના કુલ 23.70 ટકા જેટલો છે. કંપનીએ સ્પષ્ટતા કરી છે કે, આ રકમમાં કોઈ વધારાના શુલ્ક (જેમ કે બ્રોકરેજ અથવા ટેક્સ) શામેલ નથી.
સોમવારે ટ્રેક્સને નાણાકીય વર્ષ 2025 માટે તેના ચોથા ક્વાર્ટરના પરિણામો જાહેર કર્યા. કંપનીને આ ક્વાર્ટરમાં ખોટ થઈ છે અને વાર્ષિક ધોરણે આવકમાં 5 ટકાનો નજીવો વધારો થયો છે. નાણાકીય વર્ષ 2024 ના ચોથા ક્વાર્ટરમાં આવક રૂ. 20 કરોડ હતી પરંતુ નાણાકીય વર્ષ 2025 ના ચોથા ક્વાર્ટરમાં તે રૂ. 21 કરોડ રહી છે.
શુક્રવારે, કંપનીનો શેર 2.04 ટકા ઘટીને રૂ. 60.85 પર બંધ થયો. જો કે, છેલ્લા એક અઠવાડિયામાં કંપનીના શેરે 5 ટકાથી વધુ વળતર આપ્યું છે. શેરે એક મહિનામાં સારું પ્રદર્શન કર્યું અને 7.28 ટકા વળતર આપ્યું છે.
