Gujarat Safest city : દેશના ટોપ 10 સુરક્ષિત શહેરમાં ગુજરાતના આ 3 શહેરના નામ સામેલ, જાણો
ન્યૂમ્બિયો સેફ્ટી ઇન્ડેક્સ મુજબ, ભારતના ટોપ 10 સુરક્ષિત શહેરોમાં ગુજરાતના ત્રણ શહેરોનો સમાવેશ થાય છે.
બીજી તરફ, દેશની રાજધાની નવું દિલ્હી, સાથે જ નોઇડા અને ગાઝિયાબાદને સૌથી અસુરક્ષિત ભારતીય શહેરોમાં સ્થાન મળ્યું છે. મહિલાઓની સુરક્ષા અંગે વધતી ચિંતા અને ગુનાહિત દરને કારણે આ શહેરો સૂચિના તળિયે પહોંચી ગયા છે. દિલ્હીના ક્રાઇમ ઇન્ડેક્સનો સ્કોર 59.03, ગાઝિયાબાદનો 58.44 અને નોઇડાનો 55.1 છે.
ન્યૂમ્બિયોએ દિવસ અને રાત્રિના સમયે લોકો કેટલા સુરક્ષિત અનુભવે છે તે અંગે સર્વે કર્યો હતો. તેમાં “લૂંટફાટ, ચોરી, કાર ચોરી, અજાણ્યા લોકો દ્વારા હુમલો, જાહેર સ્થળોએ સતામણી અને ત્વચાના રંગ, જાતિ, લિંગ અથવા ધર્મના આધાર પર ભેદભાવ” જેવા ખતરાઓનો સમાવેશ કરવામાં આવ્યો હતો. ઉપરાંત મિલ્કતના ગુનાઓ જેમ કે તોડફોડ, ચોરી, તેમજ હિંસક ગુનાઓ જેમ કે હુમલો અને હત્યાનો પણ સમાવેશ થાય છે.
મધ્ય પૂર્વના અનેક શહેરોએ પોતાની સુરક્ષા અને સ્થિરતા માટે વૈશ્વિક માન્યતા મેળવી છે. વિશ્વના ટોપ 10 સુરક્ષિત શહેરોમાં પાંચ શહેરો મધ્ય પૂર્વના છે. યાદીમાં પ્રથમ ક્રમે છે યુનાઇટેડ આરબ અમીરાતની રાજધાની અબુ ધાબી, જેને 88.8 નો સેફ્ટી સ્કોર મળ્યો છે અને સતત નવમાં વર્ષે વિશ્વનું સૌથી સુરક્ષિત શહેર બન્યું છે. દેશ સ્તરે UAE બીજા ક્રમે છે.
Published On - 10:53 pm, Mon, 11 August 25
