યાત્રીગણ કૃપયા ધ્યાન દે ! ગાંધીનગર-અમદાવાદથી જતી આ ટ્રેનો થઇ ડાયવર્ટ, ઘરેથી નીકળતા પહેલાં ચેક કરી લો
ગાંધીનગર કેપિટલ-જમ્મુ તાવી એક્સપ્રેસ આંશિક રીતે ડાયવર્ટ કરાયેલા રૂટ પર ચાલશે તથા સાબરમતી એક્સપ્રેસ રેગ્યુલેટ રહેશે.
પશ્ચિમ રેલવેના અમદાવાદ ડિવિઝન પર મહેસાણા-પાલનપુર સેક્શનના ઉમરદશી સ્ટેશન પર ડબલિંગના કામના સંબંધમાં એન્જિનિયરિંગના કામ માટેના બ્લોકને કારણે અમદાવાદ-યોગ નગરી ઋષિકેશ યોગ એક્સપ્રેસ અને ગાંધીનગર કેપિટલ-જમ્મુ તાવી એક્સપ્રેસ આંશિક રીતે ડાયવર્ટ કરાયેલા રૂટ પર ચાલશે તથા સાબરમતી એક્સપ્રેસ રેગ્યુલેટ રહેશે.
16 થી 18 એપ્રિલ 2024 સુધી, અમદાવાદથી દોડતી ટ્રેન નંબર 19031 અમદાવાદ-યોગ નગરી ઋષિકેશ યોગ એક્સપ્રેસ મહેસાણા-પાટણ-ભીલડી-પાલનપુર થઈને ડાયવર્ટ કરાયેલા રૂટ પર દોડશે અને આ ટ્રેન ઊંઝા અને સિદ્ધપુર સ્ટેશને જશે નહીં.
18 એપ્રિલ 2024ના રોજ ગાંધીનગરથી દોડતી ટ્રેન નંબર-19223 ગાંધીનગર કેપિટલ-જમ્મુ તાવી એક્સપ્રેસ ટ્રેન મહેસાણા-પાટણ-ભીલડી-પાલનપુર થઈને ડાયવર્ટ કરાયેલા રૂટ પર દોડશે અને આ ટ્રેન ઊંઝા અને સિદ્ધપુર સ્ટેશને જશે નહીં.
19 એપ્રિલ 2024ના રોજ જોધપુરથી ચાલતી ટ્રેન નંબર-14821 જોધપુર-સાબરમતી એક્સપ્રેસ પાલનપુર સ્ટેશન પર 30 મિનિટથી રેગ્યુલેટ (મોડી) કરવામાં આવશે.
ઘરેથી નીકળતા પહેલાં તમારે ટ્રેનનું ટાઈમ ટેબલ અને ટ્રેનનો રુટ ચેક કરી લેવો જેથી કોઈ મુશ્કેલી ના પડે.
Published On - 9:26 am, Tue, 16 April 24