મોહમ્મદ શમી પૂર્વ પત્નીને દર મહિને 4 લાખ રૂપિયા ભરણપોષણ આપશે, આવો છે શમીનો પરિવાર
15 નવેમ્બરના રોજ ભારત અને ન્યુઝીલેન્ડ વચ્ચે પ્રથમ સેમિફાઈન મેચ રમાય હતી. આ મેચમાં મોહમ્મદ શમીના પ્રદર્શનને જોઈ સૌ કોઈ વખાણ કરી રહ્યા છે. પરંતુ શમીની આ સફળતા માટે ધણો સંધર્ષ કર્યો છે. તો આજે આપણે મોહમ્મદ શમીના પરિવારમાં કોણ કોણ છે તેના વિશે માહિતી મેળવીશું.
2005માં શમીના પિતાએ 15 વર્ષની ઉંમરે તેની પ્રતિભાને ઓળખી અને તેને મુરાદાબાદ ક્રિકેટ કોચ બદરુદ્દીન સિદ્દીકીની પાસે તાલીમ માટે લઈ ગયા. જ્યાં શમી ક્રિકેટ શીખ્યો અને પિતાનું સપનું પૂરું કર્યું.
મોહમ્મદ શમીએ ટેસ્ટ ડેબ્યું 6 નવેમ્બર 2013 વિ. વેસ્ટ ઈન્ડિઝ સામે કર્યું હતુ. તેમજ ODI ડેબ્યુ 6 જાન્યુઆરી 2013 વિ. પાકિસ્તાન સામે કર્યું હતુ.T20Iમાં ડેબ્યુ 21 માર્ચ 2014 વિ. પાકિસ્તાન સામે કર્યું હતુ.
મોહમ્મદ શમીએ 2014માં મોડલ અને આઈપીએલ ચીયર લીડર હસીન જહાં સાથે લગ્ન કર્યા હતા. આ કપલે 2015માં દીકરીને જન્મ આપ્યો, જેનું નામ આયરા શમી છે. પરંતુ 2018માં જહાંએ શમી પર ઘરેલુ હિંસાનો આરોપ લગાવ્યો અને ત્યારબાદ બંને અલગ થઈ ગયા.
તમને જણાવી દઈએ કે મોહમ્મદ શમી અને હસીન જહાંના આ લવ મેરેજ હતા. શમી અને હસીન જહાં પહેલી વાર 2012માં મળ્યા હતા. જ્યાં તે કોલકાતા નાઈટ રાઈડર્સ ટીમની ચીયર લીડર હતી. શમીને પહેલી જ મુલાકાતમાં હસીન જહાં સાથે પ્રેમ થઈ ગયો હતો અને ધીમે ધીમે મિત્રતા પ્રેમમાં બદલાઈ ગઈ હતી. ત્યારબાદ 6 જૂન 2014ના રોજ બંનેએ લગ્ન કરી લીધા હતા. હવે બંન્ને અલગ થઈ ચૂક્યા છે.
Published On - 12:38 pm, Fri, 17 November 23
