સ્પર્ધાત્મક પરીક્ષાની તૈયારી કરતાં ઉમેદવારો માટે સારા સમાચાર સામે આવ્યા છે. ગુજરાત જાહેર સેવા આયોગ (GPSC) દ્વારા વિવિધ પોસ્ટ માટે 2025નું ભરતી કેલેન્ડર બહાર પાડવામાં આવ્યુ છે.ગુજરાત જાહેર સેવા આયોગ દ્વારા આપવામાં આવેલી માહિતી અનુસાર આ વર્ષે કુલ 1 હજાર 751 જુદી-જુદી કેડરની ભરતીઓ બહાર પડશે. જેના માટે ઉમેદવારો પૂર્વેથી જ તૈયારીઓ શરુ કરી શકે છે.
વર્ષ 2025માં યોજાનારી તમામ ભરતી માટે જીપીએસસીની વેબસાઇટ પર કેલેન્ડર જાહેર કરવામાં આવ્યું છે.જેમાં દરેક પોસ્ટ માટે વેકેન્સી છે, તે સહિત તમામ વિગતો આપવામાં આવી છે. અલગ અલગ ક્ષેત્રના લોકો અલગ અલગ વર્ગ માટે આ કેલેન્ડરમાં જણાવ્યા પ્રમાણે પરીક્ષા આપી શકે છે.
આ પરીક્ષાઓ ઓક્ટોબર 2025થી લેવાવાનું શરુ થશે. આ સાથે આ ભરતી કેલેન્ડરમાં વર્ષ 2026ના ડિસેમ્બર મહિના સુધીમાં કઇ ભરતી બહાર પડશે તેની પણ માહિતી આપવામાં આવી છે.
GPSC દ્વારા કુલ 1 હજાર 751 જુદી-જુદી કેડરની ભરતીઓ જાહેર કરવામાં આવશે. જેમાંથી 16 DYSO અને નાયબ મામલતદારની ભરતી જાહેર થશે.
શિક્ષણ સેવા વર્ગ-2ની 300 ખાલી જગ્યાઓ ભરાશે. રાજ્ય વેરા નિરીક્ષકની 323 જગ્યા પર ભરતી કરાશે.
વહીવટી સેવા વર્ગ 1 અને 2ની 100 જગ્યાઓ ભરવામાં આવશે.જીપીએસસી દ્વારા આ દોઢ હજારથી વધારે જગ્યાઓની ભરતી માટેનું કેલેન્ડર જાહેર કરવામાં આવ્યુ છે.
Published On - 3:11 pm, Wed, 29 January 25