કાર ચલાવનારા પણ નથી જાણતા ડેશબોર્ડ પરના આ 10 ચિહ્નોનો અર્થ, જાણો
કાર હવે આપણા જીવનનો મહત્વનો ભાગ બની ગઈ છે. કારના સ્પેસિફિકેશનથી લઈને દરેક માહિતી આપને મળતી રહે છે, પરંતુ એક મહત્વપૂર્ણ માહિતી તેમા બાકી રહી જાય છે. તે છે ચેતવણી. કારના ડેશબોર્ડ પર જે નાના ચિન્હો સાથે લાલ, લીલી કે પિળી લાઈટ ઝબકે છે, તે કાર ચાલકને એક પ્રકારના સંકેતો આપે છે. આને વોર્નિંગ લાઇટ્સ પણ કહેવામાં આવે છે, જેને આપણે ઘણીવાર અવગણીએ છીએ, પરંતુ તેની ઝબકવા પાછળનું એક મોટું કારણ છે. જાણો અહીંયા.
કાર સ્ટાર્ટ કરતાની સાથે જ ડેશબોર્ડ પર એક પોપઅપ દેખાય છે. તેનો રંગ પીળો હોય છે અને એન્જિન વિશે માહિતી આપે છે. જો આ લાઈટ એકવાર બંધ થઈ જાય અને પછી કારમાં કોઈ સમસ્યા નથી. પરંતુ જો ગાડી ચલાવતી વખતે પણ તે સતત ઝગમગ થતી રહે તો સમજવું કે એન્જિનમાં કોઈ સમસ્યા છે. આનો અર્થ એ છે કે કારમાં ઓવરહિટીંગ અથવા ઓછા ઈંધણના દબાણની સમસ્યા છે. જો આ લાઈટ સતત ચાલુ રહેતી જોવા મળે તો તરત જ મિકેનિકનો સંપર્ક કરો.
જો તમે ઘણા વર્ષોથી કાર ચલાવી રહ્યા છો તો તમારે આ ચિન્હ વિશે જાણવું જ જોઈએ. આ ઓછા ઇંધણ સૂચકની નિશાની છે. મતલબ કે કારમાં ઈંધણ ઓછું થઈ ગયું છે. કારને રિઝર્વમાં રાખવામાં આવી છે અને થોડા અંતર પછી તે બંધ થઈ જશે.
કારની ઈલેક્ટ્રોનિક સિસ્ટમ માટે અને કાર શરૂ કરવા માટે બેટરી જરૂરી છે. જો આ લાઇટ આવે છે, તો તેનો અર્થ એ છે કે ચાર્જિંગ સિસ્ટમમાં સમસ્યા છે અથવા બેટરી કેબલ ખરાબ છે અથવા અલ્ટરનેટરમાં સમસ્યા છે.
આ સૌથી સામાન્ય બાબત અંગે ચિન્હ છે, દરેક વ્યક્તિ તેનાથી વાકેફ હોય જ છે, તેનો અર્થ એ કે તમે ડ્રાઇવિંગ કરતી વખતે સીટ બેલ્ટ બાંધવાનું ભૂલી ગયા છો.
આજકાલ દરેક કારમાં એરબેગ્સ આવે છે. આ લાઇટના પ્રકાશનો અર્થ એ છે કે એરબેગ્સમાંથી એકમાં સમસ્યા છે અથવા આખી એરબેગ સિસ્ટમમાં સમસ્યા છે. તેની તપાસ કરાવો.
ઘણી વખત, હેન્ડબ્રેક લગાવ્યા પછી, આપણે તેને નીચે કરવાનું ભૂલી જઈએ છીએ, આની યાદ અપાવવા માટે, બ્રેક એલર્ટ ઈન્ડિકેટર લાઇટ થવા લાગે છે. ઉપરાંત, જો બ્રેક ફ્લુઇડ લીક થાય તો પણ આ લાઇટ આવે છે.
ABS એટલે કે એન્ટી લોક બ્રેકિંગ સિસ્ટમ વોર્નિંગ લાઇટ, આ એક સેફ્ટી ફીચર છે. તે હાર્ડ બ્રેકિંગ દરમિયાન વાહનનું નિયંત્રણ જાળવી રાખે છે. પરંતુ જો ABS વોર્નિંગ લાઈટો ચાલુ થઈ જાય તો સમજવું કે ABSમાં કોઈ સમસ્યા છે.
આજકાલ, ટાયર પ્રેશર માપવા માટે હેચબેક, સેડાન અથવા એસયુવીના ટોચના પ્રકારોમાં ટાયર પ્રેશર મોનિટરિંગ સિસ્ટમ આવી રહી છે. કારના ટાયરમાં હવાનું દબાણ ઘટતાની સાથે જ આ ચેતવણી લાઇટો ઝળહળી ઉઠશે.
જો ડેશબોર્ડ પર લાલ નિશાની સાથે આ લાઈટ સતત બળતી રહે તો સમજી લો કે તેલનું દબાણ ઓછું છે. આ માટે તમારે વાહનનું બોનેટ ખોલીને એન્જિન ઓઈલ લેવલ ચેક કરવું પડશે. તપાસો કે તેલ પરિભ્રમણ સિસ્ટમમાં કોઈ લીકેજ નથી અથવા તેલ પંપમાં કોઈ સમસ્યા નથી.
Published On - 2:12 pm, Sun, 17 November 24