ઈમરજન્સી બ્રેક, પ્લાસ્ટિક કવર કે ડ્રાઈવરની ભૂલ? ઝારખંડમાં ટ્રેન દુર્ઘટના થવાનું કારણ શું
ઝારખંડના ચક્રધરપુરમાં આજે મંગળવારે હાવડાથી મુંબઈ જઈ રહેલી પેસેન્જર ટ્રેન પાટા પરથી ઉતરી ગઈ હતી. આ અકસ્માતમાં ટ્રેનના 18 ડબ્બા પાટા પરથી ઉતરી ગયા હતા. આ અકસ્માતના પગલે, સાઉથ ઈસ્ટર્ન રેલવેના ટાટાનગર-ચક્રધરપુર સેક્શન પર ટ્રેન વ્યવહાર સંપૂર્ણપણે ઠપ થઈ ગયો છે. ઘણી મેલ અને એક્સપ્રેસ ટ્રેનોના રૂટ બદલવામાં આવ્યા છે.
આ અકસ્માત રાજખારસાવન અને બડાબામ્બો સ્ટેશન વચ્ચે થયો હતો. ટ્રેન નંબર 12810 હાવડા મુંબઈ મેલમાં LHB કોચ જોડવામાં આવ્યો હતો. આ પ્રકારના કોચમાં ડિસ્ક બ્રેક હોય છે. ડ્રાઈવરે ઈમરજન્સી બ્રેક લગાવતા જ ટ્રેનના 18 ડબ્બા પાટા પરથી ઉતરી ગયા હતા. આ સાથે 12810 નંબરના કેટલાક ડબ્બા નજીકમાં ઉભેલી માલગાડીના વેગન સાથે અથડાઈ ગયા હતા.
આ અકસ્માતમાં ત્રણ લોકોના મોત અને 40 જેટલા મુસાફરો ઘાયલ થયાના સમાચાર છે. ચક્રધરપુરમાં અકસ્માતનો ભોગ બનેલી મુંબઈ મેલ એક્સપ્રેસ ટ્રેન સાડા ત્રણ કલાક મોડી ચાલી રહી હતી. ટ્રેન નંબર 12810, જેમાં ટાટાનગરનું એન્જિન નંબર 37077 જોડાયેલ હતું. તે ટાટાનગર સ્ટેશનથી સવારે 2:39 વાગ્યે, સાડા ત્રણ કલાક અને મિનિટ મોડું થયું. ટાટાનગર સ્ટેશન પર ટ્રેનનો આવવાનો સમય 11.02 મિનિટનો હતો.
દુર્ઘટનામાં સામેલ ટ્રેનના ડ્રાઈવરે ત્રણ વખત શ્રેષ્ઠ ડ્રાઈવરનો એવોર્ડ જીત્યો છે. સવારે થયેલા અકસ્માત બાદ ટ્રેનના લોકો પાયલટ KVSS રાવ, આસિસ્ટન્ટ લોકો પાઈલટ એ અન્સારી અને ગાર્ડ મોહમ્મદ. રેહાને તરત જ કંટ્રોલ રૂમને આની જાણ કરી. અકસ્માતની માહિતી મળતાં જ ચક્રધરપુર રેલવે વિભાગના અધિકારીઓ અને બચાવ ટીમ ઘટનાસ્થળે રવાના થઈ ગઈ હતી. ( ફોટો સૌજન્ય- તમામ ફોટો પીટીઆઈ )
Published On - 4:54 pm, Tue, 30 July 24
