WeddingTips : તમે પણ ગુજરાતમાં જ ડેસ્ટિનેશન વેડિંગનું સપનું પૂર્ણ કરી શકો છો, આ સ્થળે આવશે રોયલ ફીલિંગ
થોડા સમય બાદ લગ્નની સિઝન શરુ થશે. ત્યારે દરેક લોકોનું સપનું હોય છે કે, તે કોઈ ખાસ સ્થળ પર લગ્નના બંધનમાં બંધાય, જેનાથી આ દિવસ તેમના માટે જીંદગીભર યાદ રહે, લોકો હવે ડેસ્ટિનેશન વેડિંગને વધુ મહત્વ આપી રહ્યા છે.
કેટલાક લોકો વિદેશમાં ડેસ્ટિનેશન વેડિંગનો પ્લાન કરતા હોય છે, અમુક લોકો અન્ય શહેરમાં ડેસ્ટિનેશન વેડિંગનો પ્લાન બનાવતા હોય છે. જેમાં લગ્નનો ખર્ચો ખુબ વધી જાય છે. તો આજે અમે તમને ગુજરાતમાં જ આવેલા કેટલાક ડેસ્ટિનેશન વેડિંગ માટેના સુંદર સ્થળ વિશે જણાવીશું, તો તમે પણ ગુજરાતમાં જ તમારા ડેસ્ટિનેશન વેડિંગનું સપનું પૂર્ણ કરી શકો છો.
ડેસ્ટિનેશન વેડિંગમાં પણ કેટલાક લોકોનું સપનું બીચ પર હોય તો કોઈ પહાડોની વચ્ચે સ્થળ પસંદ હોય છે. કેટલાક લોકોને ડેસ્ટિનેશન વેડિંગમાં રોયલ લુક જોતો હોય છે. તો તમારે ચિંતા કરવાની જરુર નથી, ગુજરાતના આ સ્થળ પર ડેસ્ટિનેશન વેડિંગનું સપનું પૂર્ણ કરી શકો છો.
ધાર્મિક સ્થળની વાત હોય કે પછી પ્રકુતિનો આનંદ લેવાની વાત આવે ત્યારે જૂનાગઢનું નામ સૌથી પહેલા આવે છે. અહિ ચારે બાજુ પહાડો અને નદી ઝરણા વચ્ચે તમે તમારા ડેસ્ટિનેશન વેડિંગનો પ્લાન બનાવી શકો છો. જૂનાગઢમાં ભવનાથમાં કેટલાક એવા પાર્ટી પ્લોટ આવેલા છે, જ્યાં તમને પ્રકુતિનો આનંદ મળશે. (photo : statueofunitytentcity)
જો તમે દરિયાકિનારે વેડિંગ કરવાનો પ્લાન બનાવી રહ્યા છો.શિવરાજપુર બીચ નજીક તમે તમારા ડેસ્ટિનેશન વેડિંગનો પ્લાન બનાવી શકો છો. લગ્ન બાદ શિવરાજપુર બીચ પર સુંદર વેડિંગ ફોટો પણ ક્લિક કરી શકો છો.
ગીર અભ્યારણ આમ તો સિંહ માટે પ્રખ્યાત છે.ગીરનું અભ્યારણ ગુજરાતનું જાણીતું પ્રવાસન સ્થળ બની ગયું છે, દેશી-વિદેશી પ્રવાસીઓ અહિ મોટી સંખ્યામાં આવે છે. અહિ અનેક એવા રિસોર્ટ કે પછી આવેલા છે, જ્યાં તમને ટ્રેડિશનલ થીમ મળી રહેશે. ટુંકમાં રિસોર્ટ એવી રીતે બનાવવામાં આવ્યા છે કે, જ્યાં તમને એક અલગ જ ફીલિંગ આવશે. ગામઠી ઠાઠમાં તમે પણ તમારા ડેસ્ટિનેશન વેડિંગનો પ્લાન બનાવી શકો છો.
ડેસ્ટિનેશન વેડિંગની વાત હોય તો વડોદરા પણ કેમ પાછળ રહે, ગુજરાત સરકારે સ્ટેચ્યુ ઓફ યુનિટીની નજીકના વિવિધ પ્રવાસન સ્થળોને વેડિંગ ડેસ્ટિનેશન તરીકે ખોલ્યા છે. સરકારને આશા છે કે જો લોકો અહીં લગ્ન માટે આવશે તો તેઓ આ પ્રતિમાની સુંદરતાનો આનંદ માણશે.