IPL 2025નો ‘બુઢ્ઢો શેર’ આ વર્ષે કરશે શિકાર ? કે પછી લઈ લેશે સંન્યાસ
IPL 2025માં દેશ વિદેશના અનેક ખેલાડીઓ પોતાનો જલવો બતાવશે, જેમાં યુવાથી લઈ અનુભવી અને ભવિષ્યના સ્ટારથી લઈ વર્તમાન સમયના સુપરસ્ટાર ખેલાડીઓ પર બધાની નજર રહેશે. છતાં સૌથી વધુ ચર્ચા તો IPL 2025ના સૌથી બુઢ્ઢા શેર એટલે કે આ સિઝનના સૌથી વધુ ઉંમરના ખેલાડીની જ થશે. આ ખેલાડી કોણ છે અને શું તે આ વર્ષે ટ્રોફીનો શિકાર કરી શકશે (ટ્રોફી જીતી શકશે) અને સિઝન દરમિયાન કે સિઝન બાદ સંન્યાસ લેશે? આ સવાલ દરેક ક્રિકેટ ફેનના મનમાં છે.
IPL 2025માં ધોનીની ટીમ ચેન્નાઈ સુપર કિંગ્સની પહેલી મેચ 23 માર્ચે મુંબઈ ઈન્ડિયન્સ સામે છે. જેમાં ધોની મેદાનમાં ઉતરશે અને મેદાનમાં ચોગ્ગા અને છગ્ગાનો વરસાદ થશે. જો કે હવે આ દિગ્ગજ 43 વર્ષનો થઈ ગયો છે અને ગઈ સિઝનની જેમ આ સિઝનમાં પણ નીચલા ક્રમે જ બેટિંગ કરશે એવું લાગી રહ્યું છે. અને કદાચ એટલા માટે જ ફેન્સ ધોનીને વધુ સમય બેટિંગ કરતા ન પણ જોઈ શકે.
ધોનીની ઉંમર અને ગત સિઝનમાં તેની ફિટનેસને લઈ સમસ્યાને જોતા ફેન્સના મનમાં એ પણ સવાલ છે કે શું ધોની આ સિઝન બાદ નિવૃત્તિ લેશે? શું આ મહેન્દ્ર સિંહ ધોનીનું છેલ્લું IPL છે? આ એક એવો પ્રશ્ન છે જે છેલ્લા 5 વર્ષથી ધોનીને પણ પૂછવામાં આવી રહ્યો છે, અને દરેક વખતે ધોનીએ પોતાની બેટથી મેદાનમાં આનો જવાબ આપ્યો છે.
એવામાં આમ કહેવું બહુ વહેલું છે કે ધોની આ સિઝન બાદ IPLમાંથી સંન્યાસ લેશે. ધોની ભલે ઉંમરના મામલે અન્ય ખેલાડીઓની સરખામણીમાં બુઢ્ઢો (વધુ ઉંમરનો) હોય, છતાં આ બુઢ્ઢો શેર આજે પણ પોતાના શિકારને (IPL ટ્રોફીને) આસાનીથી જવા દે એમ નથી. IPL 2025નો આ સૌથી બુઢ્ઢો શેર ફરી શિકાર માટે તૈયાર છે. (All Photo Credit : PTI)
Published On - 5:06 pm, Mon, 17 March 25
